Miel A. Elustondok irabazi du lehen (H)ilbeltza beka

Erdian, berdez jantzita, Miel A. Elustondo./
Erdian, berdez jantzita, Miel A. Elustondo.

Baztani buruz ariko da bertako Udalak nobela beltza sustatzeko sortu duen bekaren irabazlea

Miel A. Elustondok irabazi du (H)ilbeltza beka lehen deialdian. Nobela beltza sustatzeko beka hau Baztango Udalak sortua da, (H)ilbeltza elkartearekin eta Txalaparta argitaletxearekin elkarlanean.

Baztango udaletxean bertan jakinarazi da epaia. Elustondo honela mintzatu da: "Zer eskribitu behar dut? Baztan, nahiko nuke. Elurre Iriarteren literaturak kontatzen duen, kontatzen ez duen Baztan. Joseba, Maitane, Garbiñeren Baztan. Ernesto Prat Urzainkiren Telleria. Telleria eta gero, zer? Telleria eta gero, Aroztegia. Eta Aroztegiarekin batera, Nafarroako Abiadura Handiko Trena, gaur ez bada bihar baituzue hemen, edo gisako makurkeria handiagoren bat. Baina hobe Iruñeko agintari makurrei ideia makurrik ez ematea, aski makurkeriari emanak baitira Iruñean, ideia makurrik ematen ibili beharrik gabe ere. Aroztegiarekin batera, mutil dantzak, guardia zibil inzibilak, kritika, ziri eta zirti-zarta. Datorrena datorrela beltza".

Joseba Otondo alkateak gogorarazi duenez, Baztanek badu tradiziorik literatura beltzari dagokionez, hor baitaude Jose Antonio Loidiren 'Hamabost egun urgainen eta Mariano Izetaren lanak.

Epaimahaiaren izenean, Amagoia Iban kazetariak oroitarazi du Elustondok Jim Thompson idazlearen hiru eleberri beltz itzuli dituela Igela argitaletxerako, eta idazle honen egitasmoko bi alderdi deskribatu ditu: "hilik dagoen narratzaile orojakile batek eramango du kontakizunaren zama"; eta "Bill Douglass antropologo estatubatuarraren seme batek bere aitak aspaldi Euskal Herrira egindako bidaiaren ibilbidea berritzera dator".

Txalaparta argitaletxeko Mikel Soto epaimahaikideak adierazi du harrera ona izan duela bekaren lehen deialdiak, eta hamabost proiektu aurkeztu direla.

Temas

Zabalik

Contenido Patrocinado

Fotos

Vídeos