Psikiatra bat Auschwitzen preso

Ezkerretik eskuinera, : Mujika, Oihartzabal, Aranguren eta Iturri./F.I.
Ezkerretik eskuinera, : Mujika, Oihartzabal, Aranguren eta Iturri. / F.I.

Viktor E. Franklen 'Gizakia zentzu bila' obra klasikoa euskarara ekarri dute

Logoterapiaren sortzailea izan zen Viktor E. Frankl (Viena, 1905-1997) psikiatraren 'Gizakia zentzu bila' argitaratu du Erein etxeak. Obra oso ezaguna da munduan zehar, eta euskara da itzultzen den 48. hizkuntza.

Jakina denez, nazien bi kontzentrazio-esparrutik (Dachau eta Auschwitz) bizirik atera zen Frankl. Ordurako Rothschild ospitaleko neurologia saileko buru izana zen. Baina familia osoa galdu zuen presondegi ezberdinetan: gurasoak, emaztea, anaia eta koinata.

Javier Aranguren, Espainiako Logoterapia Elkartearen (AESLO) lehendakariak eraginda etorri dira itzulpena eta argitaratze lana. Elkarte honek kudeatu du Franklen familiaren baimena. «Ez da autolaguntza-liburu bat, errezeta miraritsuak biltzen dituena –esan du Arangurenek–. Sufrimenduari aurrez aurre begiratzen dion gizonaren esperientzia pertsonalaz dihardu liburuak».

Argitalpenak bi obra dakartza: 'Psikologo bat kontzentrazio-esparru batean' (1946) eta 'Logoterapiaren oinarrizko kontzeptuak' (1962). Bata alemanetik itzuli du Lontxo Oihartzabalek, bestea ingelesetik Miren Arratibelek.

Oihartzabelk Franklen esaldi azpimarratu du, Donostian egindako aurkezpenean: «Erabateko eraldaketa gertatu behar da bizitzaren zentzuaz galdezka hasten garenean: geuk ikasi behar dugu lehenik, eta ondoren irakatsi zalantzatiari, arazoa ez dela, inolaz ere, bizitzak zer eskaintzen digun galdetzea, bizitzari geuk zer eskaintzen diogun itauntzea baizik»,

Oihartzabalentzat ez da ariketa samurra izan itzulpen lana. «Hunkidura, haserrea, amorrua, ernegua eragiten dizkizute ehunka pasartetako gertakariek: nolatan joka dezake hain modu basatian XX. mendeko gizakiak?

Jexuxmari Mujika, etikako irakasle izandakoak ere jardun du aurkezpenean. Honela definitu du liburua: «Gizakiaren ethosari kanta benetako bat da, gizaki mugatu, baldintzatuaren libertate mugatu eta handiaren aitorpen bat, bizimodu mugatuenean ere mantendu daitekeen eta behar denaren aitorpena».

Temas

Euskera

Fotos

Vídeos