«Kontraesanak onartzeko garaian gaude eta besteekin enpatizatu behar dugu»

Asier Serrano, Euskarazko literatura saria

F. IBARGUTXI DONOSTIA.

Asier Serrano oso bolada ona bizitzen ari da azkenaldian. Irun Hiria Saria irabazi du azken bi aldietan -duela bi urte eta aurten-, iaz Xabier Lete saria bereganatu zuen eta orain Euskadi Saria eman diote, gainera kategoria orokorrean. Gutxitan gertatu da olerki-bilduma bati euskarazko sari orokorra eman izana: guk dakigula, 1998an, Felipe Juaristiren 'Galderen geografia'-ri, eta 2009an Xabier Leteren 'Egunsentiaren esku izoztuak'-i.

«Sorpresa izan da. Nik uste dut epaimahaikideek igarri dutela oso gai lurtarrak planteatu ditudala 'Linbotarrak' honetan. Liburuko pertsonaiak, kalean gurutzatzen ditugun horiek dira, azken batean», adierazi digu eibartar olerkariak.

Irudi surrealista xamarrekin zipriztinditu zituen liburuko poemak. Uste du liburuak ez duela «àparteko meriturik. Gizartea bera oso surrealista bihurtu zaigu».

'Linbotarren itzalak ate ostean' ekimen musikala abiatu du eta urrian Eibarren ariko da

«Beharra daukat idazteko, mundua nire erara esplikatzeko, eta nire era poesia da», jarraitzen du. «Poesia ulergarria» egiten saiatzen omen da, eta urteen poderioz «fintzen» joan da eta «globoari lastrea kentzen».

Ontzat jotzen du kritikari batek idatzitakoa: 'Linbotarrak' hau errealitatearen eta ilusioen arteko talkaz dihardu neurri handi batean; desengainuaz, alegia. «Kontraesanak onartzeko garaian gaude. Gure bekatuak gureak dira, eta besteekin enpatizatu behar dugu», gainera-tu du.

Azken sarietako dirua bere musika-ekimen batera bideratu du, bere garaian agindu zuen bezala. Ohiko musikari laguntzaileekin berriz elkartu eta 'Linbotarren itzalak ate ostean' bira jarri du abian. Eibarko Coliseoan urriaren 27an ariko da, gero Erroman, gero Elgoibarren.

Fotos

Vídeos