'Jenisjoplin' izan dute irakurleek iazko libururik gogokoena

Uxue Alberdi idazle eta bertsolaria./AMAXKAR
Uxue Alberdi idazle eta bertsolaria. / AMAXKAR

Maiatzaren 10ean jasoko du Uxue Alberdik 111 Akademiako kideek esleitu dioten saria

111 Akademiako kideek Uxue Alberdi idazle elgoibatarraren 'Jenisjoplin' eleberria izendatu dute iazko obrarik gogokoena eta, beraz, Susa argitaletxeak plazaratutako lan horrek jasoko du 2017ko 111 Akademiaren Saria.

Hiru bozketa txandatan garatu da aukeraketa prozesua, urtarrilean hasi eta apirilaren 8an amaitu dena. Lehenengo txandan, 2017an gogokoen izan zuten liburuaren alde bozkatzeko eskatu zitzaien 198 akademiakideei, eta lehen txanda hartan saridun izendatzeko behar zen botoen %30a lortu zuen obrarik egon ez zenez, akademiak ohiko prozedura jarraitu eta beste bi bozketa txanda egin zituen.

Hirugarren eta azken txandan Uxue Alberdiren 'Jenisjoplin' eta Maddi Zubeldiaren 'Deserria haurtzaro' izan ziren bi finalistak, eta Alberdiren lana suertatu da garaile. Sari-banaketa ekitaldia maiatzaren 10ean ospatzea aurreikusten dute antolatzaileek.

Temas

Euskera

Contenido Patrocinado

Fotos

Vídeos