Izaskun Graciaren 'Ohe hutsetan' ekarri du Balea Zuriak

Izaskun Gracia, artxiboko argazkian./E.C.
Izaskun Gracia, artxiboko argazkian. / E.C.

Idazle bilbotarra Alemanian bizi da, eta gaztelaniazko liburu batzuk ere baditu aurretik publikatuta

F.I.

Hilabete gutxi batzuk dira Balea Zuria argitaletxea sortu zela, euskarazko poesiari plaza berria eman nahian. Lehenbizi, iazko azaroan, Luis Garde nafarraren 'Barbaroak baratzean' publikatu zuen, eta orain Izaskun Gracia Quintanaren 'Ohe hutsetan' bildumarekin datorkigu.

Izaskun Gracia (Bilbo, 1977) Euskal Filologian lizentziatua da. Ama hizkuntza gaztelania du eta gaztelaniazko liburu batzuk ere baditu publikatuak. Ele-biko liburu bat ere plazaratu zuen 2012an, 'Ártica/Artikoa' zeritzana. Duela zazpi urte Berlinera joan zen bizi izatera eta diseinu lanak egiten ditu bertan. Bizitoki-aldaketa hori guztiz funtsezkoa da oraingo liburu hau ulertzeko, kazetarientzako aurkezpen ekitaldian adierazi duenez: «Liburu hau Alemanian idatzi dut eta identitatea da gaietako bat. Atzerrian dena desberdina da: jana, ohiturak, jendea agurtzeko modua... zerotik ikasi behar duzu guztia, ume bat bezalakoa zara, baduzu identitatea galtzeko beldurra».

«Neure burua ezagutzeko idazten dut», aitortu du. «Analitikoa naiz eta dena kontrolpean edukitzea gustatzen zait, nahiz ezinezkoa den». Maitasuna eta desamodioa dira liburuko gaietako batzuk, «baina batez ere harremanei buruz idatzi dut. Denboraren poderioz, harremanak galdu egiten dira. Normala da eta onartu beharrean gara. Han Alemanian egiten dituzun harremanak desberdinak dira». Aritz Gorrotxategi editorearen aburuz, «Izaskunek lortua du denok nahi duguna: ahots propio bat, eta ez-ohikoa gainera».

Temas

Euskera

Contenido Patrocinado

Fotos

Vídeos