"Euskal hiztun hauskorrak ditugu, erdarara erraz igarotzen direnak"

"Euskal hiztun hauskorrak ditugu, erdarara erraz igarotzen direnak"
SARA SANTOS

'Nora goaz euskalduntasun honekin?' izenburuko liburua plazaratu du Joxe Manuel Odriozolak

FELIX IBARGUTXI

Joxe Manuel Odriozolak (Altzo, 1948) 'Nora goaz euskalduntasun honekin?' liburua plazaratu du, Elkar etxearen bidez. Makina bat liburu idatzitakoa da –soziolinguistikaz gehienbat, lehenbizikoa duela 25 urte–, eta oraingoaren aurkezpenean honela mintzatu da: "Gaur nagusi den euskalduntasun etnokultural diglosikoak euskal hiztun hauskorrak sortzen ditu, bere euskal nortasunean sinesten ez duten hiztunak dira, euskara utzi eta erdarara erraz igarotzen direnak».

Bi identitate kontrajartzen ditu Odriozolak, etnikoa eta nazionala. Batetik bestera igaro beharra dagoela azpimarratzen du behin eta berriz.

Liburuaren lehenbiziko partean hizkuntzaren eta nazionalismoaren arteko harremanak aztertu ditu; bigarrenean, hizkuntzaren nazionalizazioa nola gertatu zen azaltzen du; hirugarrenean, aztertzen du euskara zergatik den hizkuntza etnikoa; eta azkeneko atalean, euskara normalizatzeko behar den euskalduntasun motaz dihardu. "Euskararen aldeko jarrera etnokulturalak eta diglosikoak kritikatzen ditut eta praxi nazionalak hobesten. Funtzio hegemonikorik bereganatu gabe gure hizkuntza ez dela normalduko erakusten saiatu naiz", adierazi du.

Odriozola ikerlari autodidakta da. Euskara-irakasle izan zen erretiroa hartu zuen arte. Bere ustez, D ereduak porrot egin du. "D ereduko ikasleen euskalduntasunak oinarrizko bi eskakizunetan huts egiten du: batetik, ez ditu behar adinako gaitasun komunikatiboa –erraztasuna– duten hiztunak sortzen; bestetik, eskolak sortzen dituen erdal elebidunen identitate eta atxikimendua ez da euskaltzaletasunean oinarritzen".

Arnasguneetako egoera hobea da, baina han ere badago ajerik: "Arnasguneetako eskola-umeak dira idatziz eta ahoz euskara garapen-maila egokian bereganatu duten bakarrak, nahiz eta hauengan ere eskolaz kanpo idatzizko kultura hizkuntza erdara izan gehienbat".

Euskarak "hizkuntza etnokultural subordinatu baten modura funtzionatzen du" Euskal Autonomia Erkidegoan, dio Odriozolak

Temas

Euskera

Contenido Patrocinado

Fotos

Vídeos