Diario Vasco

Historia txipia gehi literatura

  • «Ipuinotan kontatzen dena historia txipia esan ohi zaiona da. Nik literatura besterik ez diet erantsi», idatzi du Koldo Izagirrek liburua osatzen duten bederatzi ipuinen atarian

'Hondartza' izeneko kontakizunak ematen dio hasiera liburuari. «Gerta liteke norbaitek kontzientzia politikoa edukitzea, baina ez izatea gauza kontzientzia hori aurrera eramateko. Beste batek, eduki dezake kontzientzia arinagoa –edo batere kontzientziarik ez– eta abenturaren senez aurrera egin eta esan dezake: pikutara nire aita!», adierazi du Izagirrek.

Susak argitaratutako liburuak 251 orrialde ditu, eta 19 euroko prezioa.

Susak argitaratutako liburuak 251 orrialde ditu, eta 19 euroko prezioa.

'Larbi' ipuina Saharan dago kokatua. Batetik soldadu euskal herritar batzuk daude, zaintzaile-lana egiten ari direnak, bestetik preso daukaten gizona. «Polisarioa, garai hartan, hasi berria zen», dio idazleak. 'Une baten argazkia' delakoan «argazki bat dago sorreran, beste bi edo hiru ipuinetan bezala. Kasu honetan, erretratu batean Paulino Uzkudunekin azaltzeak ondorio batzuk ditu. Azaltzen dut kontzientzia politikoa duen gaztetxo batek nola hartzen duen gerraosteko argazki hori handik urte askotara, 1974-75ean».

'Atzeguardako lanak' ipuinean bi plano daude, lehena eta oraina. «Barne-txosten bat da azken batean, frankistei esaten diena: dena eman beharko dugu berriz ere, zeren gorri haiek ez genituen behar bezala akabatu».

'Franco hil da entzun genuen eguna' kontakizunean, berriz, egun berean gertatutako hogei bat pasadizo azaltzen dira. Eta 'O Burro'-n Franco diktadorea agertzen da, baina aipatu gabe. «Zaldi baten gainean dago, batzuek esaten dute O Burro zaldia zela, beste batzuek zaldiaren gainean dagoena».

Recibe nuestras newsletters en tu email

Apúntate