Diario Vasco

Neska-mutikoentzako beste poesia-liburu bat atera du Kazabonek

Neska-mutikoentzako beste poesia-liburu bat atera du Kazabonek
  • «Naturatik nator eta naturako elementuak erabiltzen ditut etengabe», adierazi du

Antton Kazabonek ‘Ilunpetik argira’ poesia-liburua plazaratu du Maiatz etxearen bidez, batik bat 12-16 urteko neska-mutikoengan pentsatuta eta Jon Zabaletarekin lankidetzan, honek marrazkiak egin dituelarik. Bizitzari buruzko olerkiak dira, erritmo bizikoak, eta askotan natura ere protagonista dutenak. «Naturatik nator eta naturako elementuak erabiltzen ditut etengabe», esan du poetak.

«Animikoki baju xamar nenbilen bolada batean ekin nion olerki hauek idazteari», adierazi du poetak. «Eta ez dakit barrutik argitzen hasi nintzelako, edo poemak alaiago ateratzen ari zitzaizkidalako, kontua da olerkien sorta ilunpetik argira pasa zela».

Ogibidez irakasle izan da Kazabon, Oiartzungo ikastolako irakasle, eta haur txikientzat ere egin izan ditu olerkiak, «horiek jolas modukoak, hala ere». Neska-mutiko haziagoentzat jarduten duenean, «zer pentsatua ematen» saiatzen da. Poesia-liburu batzuk baditu aurretik argitaratuak eta oraingoan eskerrak eman dizkio Lucien Etxezaharreta editoreari.

Liburuaren bukaera aldera, Xabier Leteri omenaldi egin dio. Haren kantuetako esaldi ezagun batzuk txirikordatuz osatu du poema luzea.

Kazabon elkarlan estuan jardun da Jon Zabaleta marrazkilariarekin. Badira hogei urte horretan hasi zirela. «Ez da izan hari marrazkiak bidali eta kitto». Honek, berriz, zuri-beltzean egin ditu marrazki denak, portadakoa izan ezik. «Amonari erakusten nion egiten nituen marrazkiak eta esaten zidan: ‘Sorginkeriak egiten dituzu!’ Bai, halaxe da», adierazi du Zabaletak.

Temas

Recibe nuestras newsletters en tu email

Apúntate