Laburbira zirkuiturako proposamenen zain

Kepa Sojoren 'Hileta', iaz aukeratua izan zen lanetako bat./
Kepa Sojoren 'Hileta', iaz aukeratua izan zen lanetako bat.

Topaguneak antolatzen duen euskarazko film laburren zirkuituan parte hartzeko proposamenak bidaltzeko azken eguna abenduaren 15a da

Euskaltzaleen Topaguneak antolatzen duen Laburbira euskarazko film laburren zirkuitura lanak aurkezteko azken eguna abenduaren 15a izango da. 2015etik hona ekoitzitako filmak aurkeztu behar dira, fikziozkoak eta 18 minututik beherakoak. Urtarrilean aukeratuko dira euskarazko film laburren zirkuituan eskainiko diren lanak, Topaguneak jakinarazi duenez.

Zirkuituaren arduradunek nabarmendu dute urte osoan zehar ari direla jasotzen sortzaileek bidalitako lanak, hirugarren urtez deialdi zabala egin baitute lanak jasotzeko. Laburbirak 15. edizioa beteko du 2018an, "sortzaileen lanak ezagutarazteko, euskaraz ekoizten jarraitu dezaten aukera emanez, eta ikusleei gurean sortutako zineaz gozarazteko" helburuarekin.

Laburbirarako filmak leire@topagunea.eus helbidera bidali behar dira. Urte osoan zehar dago lanak bidaltzeko aukera, baina abenduaren 15a baino lehen jasotakoak sartuko dira 2018ko Laburbirarako aukeraketan. Beranduago jasotakoak 2019ko Laburbirarako gordeko dira. Hurrengo Laburbira 2018ko otsailaren 28tik martxoaren 28ra bitartean izango da. Iazko edizioan, besteak beste, New Yorken, Londresen eta Parisen ikusi zituzten Laburbirako filmak.

Bestalde, euskarazko ikus-entzunezkoen sortzaileei bultzada emateko, Topaguneak beste hiru egitasmo ere antolatzen ditu: Benito Ansola Saria, Durangoko Azokako Irudienea gunea eta Kameratoia.

Temas

Euskera

Contenido Patrocinado

Fotos

Vídeos