Herri Hizkeren Atlasari buruzko mintegia Euskaltzaindian

Mapa oso zehatzetan jasotzen dira aldagai guztiak./EHHA
Mapa oso zehatzetan jasotzen dira aldagai guztiak. / EHHA

Euskal Herriko 145 lekutan egindako 2.857 galderako inkesta bati esker, informazio kantitate handia lortu da euskararen ezaugarriei buruz

Herri Hizkeren Atlasari buruzko mintegia egingo da bi egunetan Euskaltzaindiaren Bilboko egoitzan. Lehen saioa astearte honetan izango da, urriaren 17an, 10:00etatik 12:30era, eta bigarrena hilaren 24an, 18:00etatik 20:30era. Mintegiak bi helburu bete nahi ditu: alde batetik, Euskararen Herri Hizkeren Atlasa (EHHA) azaldu, eta, bestetik, Bizkaiko kasurako lehen hurbilketa egin.

Ondareari buruzko Europako Jardunaldien barruan antolatu dira bi ekitaldiak, euskaraz eta Euskaltzaindiaren Bilboko egoitzan egingo direnak, Akademiaren iturriek jakinarazi dutenez.

EHHA Euskaltzaindiaren proiektu enblematikoenetako bat da. Euskal Herriko 145 lekutan egindako 2.857 galderako inkesta bati esker, informazio kantitate handia lortu da bai euskararen ezaugarriei buruz bai XIX. eta XX. mendeetako euskal gizartearen bizimoduei buruz. Informazio horretan oinarrituta, euskal herrietako hizkuntza paisaiaren irudi aberatsa sortu du EHHAren lantaldeak.

Temas

Euskera

Fotos

Vídeos