'Gernikako bonbardaketa' erakusketa kanpoan zabalduko dute

'Gernika' margolana/
'Gernika' margolana

EAEk kanpoan dituen ordezkaritzetan edo munduan zehar zabaldurik dauden euskal etxeetan erakusketak antolatuko dituzte «Gernikak pairatu zuen bonbardaketaren balio sinbolikoa» zabaltzeko

DV

Euskal nazioarteko delegazioetan, ordezkaritzetan edo euskal etxeetan erakusketak antolatuko dituzte 'Gernikako bonbardaketa' izenburupean. Erakusketa hedatzeko plana antolatu eta martxan jartzea adostu dute Eusko Jaurlaritzako Kanpo Harremanetarako Idazkaritza Nagusiak eta Gernikako Bakearen Museoa Fundazioak.

Ekimena kanpoan bizi den euskal komunitatera zuzendurik dago, «betidanik Gernikak pairatu zuen bonbardaketa itzelezko balio sinbolikoa izan du eta», Marian Elorza Jaurlaritzako Kanpo Harremanetarako idazkari nagusiak adierazi dutenez.

Marian Elorzak berak eta Jose Maria Gorroño Gernika-Lumoko alkate eta Bakearen Museoa Fundazioaren lehendakariak izenpetu dute erakusketa kanpoan zabaltzeko bi erakundeen arteko lankidetza hitzarmena.

Lankidetza hitzarmenaren bitartez, aipaturiko artxiboa 2018-2020 aldian erabiltzeko eskubidea laga zaio Eusko Jaurlaritzako Kanpo Harremanetarako Idazkaritza Nagusiari, erakusketa erreproduzitze aldera. Hala ere, epea luzatu ahal izango da, bi aldeen arteko akordioaren bitartez.

EAEk kanpoan dituen ordezkaritzetan edo munduan zehar zabaldurik dauden euskal etxeetan antolatuko dira erakusketak, batez ere.

Temas

Euskera

Contenido Patrocinado

Fotos

Vídeos