Gasteizko Santa Maria katedrala, etxetik mugitu gabe

Turista taldea joan den udako bisita batean./E.C.
Turista taldea joan den udako bisita batean. / E.C.

Beste berritasun batzuen artean, tenpluko hainbat txoko eta 2001 urteaz geroztik bertan egiten ari diren lanen bilakaera ezagutzeko aukera eskaintzen duten ibilbide birtualak prestatu dituzte

Urte berriarekin batera, iaz 90.500 pertsonak bisitatu zuten Gasteizko Santa Maria katedralak eguneratu eta hobetu egin ditu bisitariari eskaintzen dizkion zerbitzuak. Katedrala etxetik mugitu gabe ikusi nahi duenari edo bisita aurrez irudikatu nahi duenari luzatzen dizkionak ere bai, berrikuntza nabarmenetako bat internet bidez egin daitezkeen ibilbide birtualak baitira. Izan ere, katedralaren zenbait txokotara iristeko modua ez ezik, denboran zehar bidaiatzeko aukera ere ematen dute ibilbide birtualok, 2001ean barrualdeko indusketa-lanak hasi ziren unean abiatzen baitira.

Orduan hasi ziren aldizka argazki panoramikoak eta esferikoak egiten, eta horri esker ikus daiteke nola zegoen katedraleko puntu jakin bat prozesuaren hasieran, nola joan den aldatzen eta nola dagoen gaur egun. Bisitariak tenpluko gune baten hainbat ikuspuntu hautatu ahal izango ditu, zaharberritze-lanaren prozesuko etapetan nola bilakatu den ikusteko. "Esperientzia benetan ikusgarria egiteko, kokapen beretik hainbat urtetan egindako panoramak sinkronizatu dira, eta horri esker, egungo ikuspegia nahi dugun urtera egunera dezakegu" azaldu dute.

Hori izan berrikuntza bakarra, Arabako Foru Aldundiko Enplegu, Merkataritza eta Turismoaren Sustapeneko diputatu Cristina Gonzálezek eta Santa Maria Fundazioko zuzendari Jon Lasak elkarrekin eskainitako prentsaurrekoan azaldutakoaren arabera. Besteak beste, webgunea berritu du, hego transeptuko ganga jasotzeko lanari buruzko bideo bat erantsi du ibilbide gidatuan, hizkuntza-eskaintza zabaldu du eta kanpoko seinaleztapena hobetu du.

2017an bisitarien kopuru orokorra %3,2 hazi bazen ere, askoz handiagoa izan zen hazkundea nazioarteko bisitarien artean, %21ekoa. Horien beharrak gogoan hartuta, tenpluko bisitaren hasieran eskaintzen den ikus-entzunezko proiekzioa frantsesez eta alemanez ere prestatu da. Orain arte gaztelaniaz, euskaraz eta ingelesez ikus zitekeen bakarrik.

Ildo beretik beste hobekuntza bat egin da, hain zuzen ere audiogidak italierara hedatu baitira, bisita gidatua taldekoa ez den beste hizkuntza batean egin ahal izateko. Audiogidarako tresna bost hizkuntzatan jarri zen iaz (gaztelania, euskara, ingelesa, frantsesa eta alemana), eta urte osoan zehar oso baliagarria izan dela egiaztatu da. Are gehiago, obren ondorioz ibilbideetan egin diren aldaketetara egokitu da edukia.

Temas

Euskera

Contenido Patrocinado

Fotos

Vídeos