'Euskara ibiltaria' erakusketa Baionara iristear da

Erakusketa Bilbon izan zeneko artxiboko irudia
Erakusketa Bilbon izan zeneko artxiboko irudia / Euskaltzaindia

Herri Hizkeren Atlasaren berri emateko antolatu den erakusketa irailaren 11tik aurrera izango da ikusgai

El Diario Vasco
EL DIARIO VASCODonostia

Euskaltzaindiak Euskararen Herri Hizkeren Atlasa (EHHA) egitasmoa oinarritzat duen "Euskara ibiltaria" izeneko erakusketa inauguratuko du Baionako Euskal Museoan irailaren 11n. Inaugurazio ekitaldia 18:30ean izango da, Museoan bertan. Erakusketa berri honetan, arreta berezia jarriko da Ipar Euskal Herriko grabazioetan jasotako informazioan, eta formak, berezitasunak, berriemaileak edota audioak bilduko ditu.

Euskaltzaindiak gogoratu duenez, orain arte, 'Euskara ibiltaria' erakusketaren hiru edizio egin ditu. Bakarra Gipuzkoan, Beasainen, eta bi Bizkaian, bata Portugaleten eta bestea Bilbon, hain zuzen ere.

Urteak dituen erakusketa

Euskaltzaindiaren Euskararen Herri Hizkeren Atlasa (EHHA) ezagutzera emateko asmoz, 'Euskara ibiltaria' erakusketa prestatu zuen Euskaltzaindiak, lehen aldiz, duela bi urte. Beasaingo Udalaren eta Laboral Kutxaren laguntzaz, Beasaingo Igartza jauregian izan zen ikusgai 2015.urtean. Goizean Beasaingo ikastetxeetako ikasleei zabalduko zizkien ateak erakusketak, hitzaldi didaktiko eta bisita didaktikoak barne. Andres Urrutia euskaltzainburuak, Adolfo Arejita EHHAren zuzendari akademikoak eta Xarles Videgain EHHAren arduradun teknikoak hartu zuten parte inaugurazioan, eta eurekin batera Laboral Kutxaren eta Beasaingo Udalaren ordezkari bana izan ziren.

Euskararen Herri Hizkeren Atlasak (EHHA) ahozko euskararen aldaerak mapetan jasotzea zuen xede. Egitasmoa 1984an jarri zen abian, galdeketa puntuen sarea, galdera-sorta eta lan metodologia finkatu zirelarik. Galdera-sorta horrek hizkuntzaren datu guztiak biltzen zituen: lexikoa, fonetika, morfologia eta sintaxia.

Temas

Euskera

Fotos

Vídeos