Diario Vasco

150.000 euro zinema sustatzeko

Amama pelikulako eszena bat.
Amama pelikulako eszena bat.
  • Zineuskadik diru kopuru hori banatuko du fikzio eta animaziozko filmak eta sormen dokumentalak sustatzeko

Zineuskadik 150.000 euro banatuko ditu fikziozko eta animaziozko filmen eta sormenezko dokumentalen sustapenerako eta publizitaterako, eta orotara, bederatzi film izango dira laguntza jasoko dutenak, elkarteak jakinarazi duenez.

Zehazki, joan den apirilean deialdia argitaratu ostean, balorazio batzordeak bederatzi film laguntzea ebatzi du. Horrela, laguntza jaso dutenen lanen artean daude 'Amama' (Txintxua Film), 'Negociador' (Sayaka Producciones), 'Yoko eta lagunak' (Somuga eta Dibulitoon Estudio) eta 'Jai Alai Blues' (Berde Produkzioak).

Halaber, 'Un otoño sin Berlin' (Gariza Producciones), 'Pos eso' (Basque Films), 'Notas en movimiento' (Sincro), 'Olentzero eta Amilaren sekretua' (Baleuko) eta 'Txarriboda' (Karambola Producciones) lanek ere laguntza jasoko dute.