Abian da Asvinenean I. Arte Eszenikoen Topagunea

Topaketan parte hartuko duen artistetako bat, Salvo Capello italiarra,/
Topaketan parte hartuko duen artistetako bat, Salvo Capello italiarra,

Tailer ugari eta, asteburua hurbildu ahala, hainbat ikuskizun prestatu dituzte Adunan kokatuta dag0en «arte eszenikoen laborategian»

Orain dela 15 urte sortu zenetik, adiera zabalenean landu izan ditu Asvinenean arte eszenikoak. Musikak, dantzak eta antzerkiak badute tokia bertan eskaintzen dituzten ikuskizunetan zein antolatzen dituzte prestakuntza jarduera ugarietan, baina zirkuak, kabaretak eta beste toki batzuetan nekezago ikus daitezkeen ikuskizunak ere hartzen dituzte aintzat eta, neurri batean, euren izaeraren ezaugarri nagusietako bat dira.

Hain zuzen ere, «arte eszenikoen laborategia da» Adunako Zubitxiki poligonoan kokatuta dagoen Asvinenea. Besteen antzeko pabiloi bat ematen du kanpotik -zertxobait apainduagoa, hori bai- baina sorpresaz beteta dago barrualdean. Kudeatzaileek diotenez, «hainbat arte diziplinek izan dute euren txokoa espazio ikusgarri honetan: txotxongiloek lehenik, clownak, antzerkiak eta dantza afrikarrak ondoren. Azken urte hauetan ordea, zirku-teknika anitzen topagunea izan da».

Eta askotariko izaera hori astelehen honetan, ekainak 11, hasi den I. Arte Eszenikoen Topagunean islatuko da. Hilara 17ra arte, «tailerrak, inprobisazio gaua, kabaret eta musika afrikar kontzertua eta amaierako zirku ikuskizuna» izango dira. Topaketaren helburua da «diziplina ezberdinak ezagutaraztea» eta, aldi berean, hurrengo urteetan etorriko diren topaketei bidea irekitzea; «urteroko zita bilakatzea alegia, Asvinenearen etorkizuna bermatze aldera». Hala, topaketa hauen bidez Asvinenea «espazio artistiko moduan» ezagutzera eman nahi dute, eta «bertan mugitzen diren arte-agerpen guztiei» ere eman nahi diete bultzadatxo bat.

Profesional zein zaletuei zuzendutako jardunaldietan prestakuntzak pisu handia du. Horrenbestez, hainbat ikastaro eskainiko dira astean zehar (egitarau zehatza Asvinenearen Facebookeko profilean aurki daiteke). Ikuskizun formatuko ekitaldi bereziak ere badaude, ostegunetik aurrera. Ekainaren 14an, ostegunarekin, 'Inprobisazio gaua' egingo dute 19:00etatik aurrera, doan. Zirko artista edo dantzari bat eta musikari bat lehen aldiz eszenatokian elkartzean zer sortu daitekeen ikustean datza ikuskizuna.

Ekainaren 15ean, ostiralarekin (20:00, 7€), zirku ikuskizuna eskainiko dute, kabaret formatuan. Aurkezle baten esanetara, zazpi artista ariko dira: Maite Guevara, Asvin López, Toni Gutiérrez, Salvo Cappello, Endika Salazar, Barbara Bins eta Garazi Pascual. Ondoren Kawadeni afrikar taldearen eskutik kontzertu dantzatua izango da. Umeentzat ere egokia da ikuskizuna.

Topaketari amaiera emateko, zirku ikuskizuna izango da ekainaren 17an, igandea. 17:00etan hasita (ez diote preziorik jarri, baina borondazko kopuru bat uztea asko eskertuko dute). Publiko guztiarentzat irekia izango da saioa, eta zuzenean Frantziatik etorriko Clament Martin eta Caio Pino artisten ikuskizunak bertatik bertara ikusteko aukera eskainiko du.

Horiek guztiak bildurik, I. Arte Eszenikoen Topagunea antolatu dute

IerEncuentro de Artes Escénicas en Asvinenea

Temas

Euskera

Contenido Patrocinado

Fotos

Vídeos