Diario Vasco

Emakumeen komikiak eta komiki feministak

Begirada anitzak islatu nahi ditu erakusketak.
Begirada anitzak islatu nahi ditu erakusketak. / DV
  • «Emakume komikigileen historia eta istorioak berreskuratu nahi ditu» gaurtik aurrera Donostiako Komikigunean ikusgai izango den erakusketak

'Begiradak komikietan: emakumeen komikiak eta komiki feministak' erakusketa hartuko du gaurtik, maiatzak 22, ekainaren 16ra bitartean Donostiako Komikigunean. Skolastikak kudeatutako erakusketak emakume komikigileen historia eta istorioak berreskuratu nahi ditu. «Sarri emakumeek sortutako komikia autokontsumorako izan den arren, erakusketa honen helburua komiki munduan irudi alternatiboa eskaintzea da», diote.

Izenburuak iradokitzen duen bezala, begirada anitzak dira azpimarratu nahi direnak. Erakusketa 15 panelez osatua dago, tartean daude begiradei buruzko panelak, komiki feministari buruzkoak eta egile ezberdinen lanak biltzen dituzten panelak. Lan original batzuk, erreferentetzat har daitezkeenak, enmarkatuak daude eta erakusketa borobiltzeko bideo labur bat 'emakumeen komikia munduan zehar' komikiak eta bibliografia ere aurkituko dituzue Komikigunean.

Astelehenetik ostiralera dago ikusgai, 11:30-13:30 eta 17:30-19:30 ordutegian, eta erakusketaren bisita gidatua elebitan egingo da maiatzaren 24an, asteazkena, 19:00etan.

Temas

Recibe nuestras newsletters en tu email

Apúntate