Diario Vasco

Haur eta gazteen liburu gustukoenak

Jasone Osoro 'Ezekiel' liburuaren aurkezpenean
Jasone Osoro 'Ezekiel' liburuaren aurkezpenean
  • JUUL literatura hauteskundeetan Euskal Herriko 17.000 ikaslek hartu dute parte

Euskal Herriko Ikastoletan JUUL literatura hauteskunde eguna egin zuten apirileko lehen astean. Haur Hezkuntza, Lehen Hezkuntza eta DBHko ikasleek emango zuten botoa, euskaraz argitaratutako liburuen artean gogokoenak aukeratzeko. Hauteskunde hauek ikastoletan irakurtzeko zaletasuna bultzatzeko egiten diren jardueren artean kokatzen dira.

Arabako, Bizkaiko, Gipuzkoako, Nafarroako eta Iparraldeko ikastoletan 17.000 boto-emaile baino gehiagok hartu dute parte. Liburu ilustratzaileak ere aukeratu dituzte. Botoen kontaketa egin ondoren, honakoak suertatu dira liburu bozkatuenak. Bost kategoriatan banatuta: A- Haur Hezkuntza/Ama Ikastola; B- LH (1. eta 2. maila)/ Lehen Maila (1. eta 2. urtea); C- LH (3. eta 4.maila)/Lehen Maila (3. eta 4. urtea); D- LH (5. eta 6. maila)/LM (5. maila) eta Kolegioa (6); E- DBH/Kolegioa (5., 4., 3.a) eta Lizeoa (2.a). Seigarren kategoria, ilustratzaileei emana.

A kategorian, 3 eta 6 urte bitartekoetan, hiru izan dira. 'Azazkalo' Margarita del Mazo eta Charlotte Pardirena, Txalaparta argitaletxeak kaleratutakoa. Jessica Herthel eta Jazz Jenningen 'Jazz naiz', Bellaterra ediciones-ek argitaratutakoa eta Animalia handien liburu handia, Hazel Maskellek Ttarttalo argitaletxearekin kaleratutakoa.

B kategorian, bestalde, 'Txomintxo eta Perutxo maiteminduta' , Txomin eta Peru Magdalena egile dituena, Leire Bilbaoren 'Martin, egon geldi' eta 'Burua galdu zuen jirafa' Bertol Arrieta k idatzitakoa izan dira. Hirurak, Elkar argitaletxeak argitaratutakoak dira.

8 eta 10 urte bitarteko haurrek, C kategorian, Toti Martinez de Lezearen 'Nur eta banpiroen dantza', Erein argitaletxekoa, Uxue Alberdiren 'Bi kobazulo', Elkar argitaletxekoa eta Fernando Morilloren 'Maddi eta euskal piratak', Gauminek argitaratuta. D kategorian, 'Greg Etxean itxita', Jeff Kinney-idatzitakoa, eta Alberdaniak plazaratutakoa, 'Argixorgin', Estibaliz Vivancorena eta 'Uda bat Senegalen', Lur Gallastegirena, biak Elkar argitaletxearekin egindakoak.

E kategorian, azkenik, Jasone Osororen 'Ezekiel' eta 'San Ferminetan, Lesakan', John Anduezarena, Elkarrek argitaratuta. Erein argitaletxearen 'Beti Iparralderantz', Jon Arretxek idatzita.

Iustratzaileen aldetik, Juan Luis eta Iván Landa, Mikel Valverde, Eider Eibar, Jokin Mitxelena eta Iosu Mitxelena izan dira bozkatuenak.

Temas

Recibe nuestras newsletters en tu email

Apúntate