Diario Vasco

Ahoz Aho festibala berritasunekin dator hamargarren urtean

Donostian egindako aurkezpeneko argazkia.
Donostian egindako aurkezpeneko argazkia. / USOZ
  • Euskal Narratzaileen Topaketa egingo da Tolosan martxoaren 25ean

Ahoz Aho jaialdiak hamar urte bete ditu eta berritasun batzuekin dator oraingoan. Martxoaren 25ean Euskal Narratzaileen Topaketa egingo da Tolosan, eta bertan Urrezko Kalabaza izeneko saria banatuko lehenengo aldiz.

Ahozkotasunaren Nazioarteko Jaialdia martxoaren 2tik 25era bitartean egingo da hamargarren aldiz. Ohi bezala ekitaldi gehienak Ordizian eta Tolosan izango dira, eta aurten beste bi hiri gehitu zaizkie: Irun eta Donostia.

Aurten 30 ikuskizun eskainiko dira, eta ohiko bi gala; Tolosakoa martxoaren 23an, Ordiziakoa 24an. Hona hemen kontalari batzuk: Marisa Palique (Peru), Nono Granero (Andaluzia), Kamel Zouaoui (Aljeria), Numancia Rojas, Txile), Diego Calavia (Errioxa), Nagore Leon (Euskal Herria), Dorleta Kortazar (Euskal Herria), Amaia Elizagoien (Euskal Herria) eta Itziar Saenz de Ojer (Euskal Herria). Eta antolatzaileen izenean, May Gorostiagaren eskaera: «Kultur programatzaileei esan nahi diegu mesedez bere egitarauak diseinatzen hasten direnean, kontuan har ditzatela kontalariak».

Joxemari Carrerek Ahoz Aho festibalaren aurkezpenean adierazi duenez, berak koordinatuko du Euskal Narratzaileen Topaketa. «Leire Diaz de Gereñuk, adibidez, egiten ari den doktore-tesia aurkeztuko digu. Narratzaileek erabiltzen dituzten baliabideez ariko da. Juan Kruz Igerabide ere mintzatuko da, kontalari guztiek ezagutu beharko lukete gizon honen ‘Bularretik mintzora’ liburua. Koldo Ameztoy ere gonbidatu digu, bera izan baitzen ipuin kontatzen hasi zen lehenengoa. Eta beste hizlaria May Gorostiaga izango da, Intujai Teatroko kidea.

Hain zuzen ere Intujai Teatro da nazioarteko jaialdi honen antolatzailea. Gipuzkoako Foru Aldundiaren laguntza du jaialdiak, eta oraingo aurkezpen ekitaldiak Mari Jose Telleria Kultura zuzendariak zoriondu egin ditu Intujaiko kideak hamargarren ediziora iristeagatik. Tolosako eta Ordiziako Udalak dira beste laguntzaileak.

Temas

Recibe nuestras newsletters en tu email

Apúntate