Diario Vasco

'Orm Elurretako Erresuman' filma, euskaraz

Filmeko irudia.
Filmeko irudia.
  • Ostiral honetan estreinatzen da Donostian, Eibarren eta Errenterian, Zinema Euskaraz programaren baitan

'Orm Elurretako Erresuman' ('The Snow Queen 2') filma euskaraz iritsiko da zinema aretoetara ostiral honetan. Aurten Zinema Euskaraz programaren baitan estreinatuko den lehen pelikula Gipuzkoako, Arabako, Bizkaiko eta Nafarroako bederatzi zinema aretotan ikusteko aukera izango da euskaraz. Gipuzkoari dagokionez, Donostian (Printzipe), Eibarren (Coliseo) eta Errenterian (Niessen) ikusi ahal izango da, Zineuskadik jakinarazi duenez. Bilbon (Multis eta Golem Alhondiga), Getxon (Zinema), Barakaldon (Cinesa Max Ocio), Iruñean (La Morea) eta Portugaleten (Dock) ere emango dute.

Alexey Tsitsilin errusiarrak zuzendutako filmak Elurretako Erreginaren inguruko kontakizuna egiten du. Elurretako Erregina garaitu egin dute, eta hotz egunak amaituta, trolak bakean eta askatasunean bizi dira. Orm trol horietako bat da, eta atsekabetuta dago, erregina maltzurra garaitzeko funtsezkoa izan arren, merezitako aitortzarik jaso ez duelako.

Ormek heroia izan nahi du, eta garaipenaren kontakizuna gezur txikiekin puzten hasten da eta bere burua eskaintzen du printzesa erreinutik libratzeko eta, bide batez, inoiz izan ez den heroia bihurtzeko. Elurretan barrena abiatzen da lagunekin abentura arriskutsuak bizitzera. Bidaian ohartuko da heroia izatea baino garrantzitsuagoa dela bere buruarekin eta lagunekin zintzo jokatzea, eta merezi duten pertsonen alde borrokatzea

Temas

Recibe nuestras newsletters en tu email

Apúntate