Diario Vasco

Haturtxu Rock jaialdiaren lehen konfirmazioak

Uztailaren 27 eta 30a bitartean izango da, Lakuntzan
Uztailaren 27 eta 30a bitartean izango da, Lakuntzan
  • Huntza, Kerobia, Des-kontrol eta Skakeitan Lakuntzan izango dira, besteak beste

Hatortxu Rock jaialdiaren 20. aldia izango da aurtengoa. Uztailaren 27 eta 30a bitartean izango da, Lakuntzan, Nafarroan. Sarrerak eskuragarri daude jada webgunean, Kerobia, Ehun Kilo, Inadaptats, Bizardunak, Des-kontrol, Ekon, Soziedad Alkoholica, Narco, Glaukoma, Huntza, Lágrimas de Sangre eta Talco ikusi eta entzuteko, besteak beste.

Jaialdiko lau egunetarako sarrerek 50 euroko prezioa izango dute hurrengo asteetan, edo berauek amaitu arte. Ezagutzeke daude oraindik kartela osatuko duten talde askoren izenak, hala ere.

Aurtengo edizioan atzera begiratzeko aukera izango da, eskenatokiak utzitako hainbat talde entzuteko aukera izango baita. Inadaptats katalanek hamarkada bat igaro dute kontzerturik eman gabe, Ehun Kilok ere beste hainbeste. Kerobia, Ekon, Bizardunak eta Des-Kontrol ere kontzertu bakarra emateko bueltatuko dira.

Bestalde, Iseo & Dodosound, Oreka TX, Anestesia, Kop eta Estricalla ere bertan izango dira. Preso politikoen dispertsioaren aurkako jaialdiaren antolatzaileek iragarri dutenez, "20.a zenbaki bat baino gehiago da. Errepresaliatuen egoera agenda politikoen erdian kokatu beharra dugu. Azken urteotan agenda askotik desagerrarazi dute, eta kolpe bat eman behar dugu mahai gainean. Eta orain da gatazka hau errotik hartu eta konponbide bat bilatzeko unea. Eta horretarako ezinbestekoa da errepresioa pairatzen duten herritarrak etxera itzultzea. Egun horrek ez du etorkizuneko egun bat izan behar, egun horrek gaur izan behar du. Gurekin behar ditugu gu ere aske izateko".

Temas

Recibe nuestras newsletters en tu email

Apúntate