Diario Vasco

Iruñeko Katakrak liburuak argitaratzen hasi da

  • Lehenbizikoa Angela Davisen elkarrizketa- eta artikulu-bilduma bat da

Iruñeko Katratak guneak liburuak argitaratzeari ekin dio. Lehenbizikoa kalean da jadanik –Angela Davisen elkarrizketa- eta artikulu-bilduma bat– eta asmoa da datorren urtean beste zortzi bat ateratzea. Bi arlo landu nahi dituzte: saiakera –bertako nahiz kanpoko autoreena, euskaraz nahiz gaztelaniaz– eta munduko narratiba euskaraz. Editore-lanean Nerea Fillat, Hedoi Etxarte eta Imanol Miramon ariko dira.

Lehenbiziko emaitza hau da: Angela Davis-en ‘Askatasuna, etengabeko borroka bat. Ferguson, Palestina eta mugimendu baterako oinarriak’. Elkarrizketa batzuk, artikuluak eta hitzaldi bat edo beste ageri dira bertan. Hain zuzen ere, hauxe da Estatu Batuetako ekintzaile honen liburu berriena.

Angela Davis 1944an jaioa da. 1969an kanporatu egin zuten Kaliforniako unibertsitatetik, Alderdi Komunistako kide zela jakin zutelako. Pantera Beltzen mugimenduko kide izan zen.

Hiru lagunen artean egin dute itzulpen-lana: Amaia Apalauza, Iñigo Roque eta Garazi Ugalde. Apalauzak esan duenez, «luxua» izan da lantegi hau, «halako testuak ez baititugu egunero itzultzen, eta gainera beste bi itzultzaile oso onekin lankidetzan jardun naiz».

Katakrakeko webgunean ikus daitekeenez, hurrengo liburua Srecko Horvat-en ‘La radicalidad del amor’ saiakera izango da. Kroazian 1983an jaioa, filosofo eta ekintzaile honek amodioaz eta iraultzaz, askotan bateraezinak eman duten bi arlo horiei buruz idatzi du liburua.

Temas

Recibe nuestras newsletters en tu email

Apúntate