Diario Vasco

Euskal antzerkigintzari eskaini dio azken alea Erlea aldizkariak

  • Euskal Herriko idazle ezagunenen erretratuak ere bildu ditu aldizkariak

Euskal antzerkigintza du ardatz Bernardo Atxagak zuzentzen duen aldizkariak, Erlea izenekoak, argitaratu duen azken alean. Euskaraz, euskal antzerkigintzaren inguruan lan egiten dutenen ingurukoa da.

Atxagak azaldu duenez, autore eta aktore ezagunak bildu ditu beraien lan eta bizitzaren inguruan jarduteko. Patxo Tellería, Aizpea Goenaga, Iñaki Irastorza, Iñaki Rekarte eta Anjel Alkain, besteak beste. "Euskal antzerkigintzaren kalitate onari" egotzi dio, hain zuzen, gaiaren aukeraketa.

Pello Esnalen lanera bideratu du bereziki arreta, literaturaz mintzo dena: "saiakera bat da, Sebastian Salaberriaren 'Neronek tirako nizkin' (1964) izeneko nobelaren inguruko hausnarketa bat".

Erlea aldizkariak, bestalde, Euskal Herriko idazle ezagunenen erretratuak biltzen dituen disko bat ere badu bere baitan. Bertan daude Azkue, Orixe, Mitxelena, Gabriel Aresti eta Atxaga bera.

Euskaltzaindiaren aldizkaria izaki Erlea, hainbat pertsonak euskararekin izandako esperientzia ere landu dute azken ale honetan, "hizkuntza argitaletxearen ardatza baita".

Bernardo Atxagak aldizkariaren "edizio zaindua" ere azpimarratu du. "Argitaratutako testuen bikaintasuna bilatu dugu, ikuspuntu logiko, literario eta estilistikotik. Asun Rekalde editore nagusiak hartu bere gain, batez ere, lan hori".

Euskaltzaindiko zuzendariak, Andres Urrutiak, gaineratu du Erlearen lanek aurrera egin behar dutela aldizkaria "euskararen eta euskal kulturaren erreferente bilakatu arte".

Temas

Recibe nuestras newsletters en tu email

Apúntate