Diario Vasco

Toki komunikabideen inguruko jardunaldiak antolatu dituzte

  • Azaroaren 14an izango dira, Arrasateko Garaia Berrikuntza Gunean

Arko Jardunaldien 25. urteurrena eta Tokikomen sorreraren bosgarrena ospatzeko antolatu ditu Toki Komunikabideen Bateraguneak jardunaldiak.

Azaroaren 14an izango dira, Arrasateko Garaia Berrikuntza Gunean, eta euskarazko toki komunikabideen iragana, oraina eta geroa aztertzea dute helburu nagusitzat. Goizeko 9:00etan hasi eta 15:00ak arte iraungo dute.

Jardunaldiak bi parte izango ditu: lehenengoan, errepaso sakon bat egingo zaio toki komunikabideek orain arte euskararen transmisioan jokatu duten paperari. Horretarako, Jon Sarasua eta Kike Amonarriz arituko dira elkarrekin solasean, aurretik planteatutako hainbat galderaren inguruan.

Jarraian, toki komunikabideetan azken urtean egindako portadarik, edukirik eta ikus-entzunezkorik onena sarituko dituzte, aurkeztutako 104 proposamenen artetik. Gainera, Associació Catalana de Premsa Comarcal elkarteko presidenteak, Francesc Fàbregas-ek, 35 urte bete berri dituen elkartearen berri emango du.

Puntako profesionalen hitzaldien ostean, aurkezpen praktikoak egongo dira, sektoreko puntako profesionalen eskutik.

Temas

Recibe nuestras newsletters en tu email

Apúntate