Diario Vasco

Donostiako Udal Liburutegien Sareko sistema informatikoa aldatuko da

Donostiako Udal Liburutegien Sareko sistema informatikoa aldatuko da
  • Bazkide bakoitzaren datu pertsonalak egiaztatuko dira eta aldaketak izango dira katalogoetan

Datorren asteartea, azaroaren 15etik aurrera, Donostiako Udal Liburutegien Sarea Eusko Jaurlaritzak kudeatzen duen Euskadiko Irakurketa Publikoaren Sarearen (EIPS) sistema informatikoan txertatuko da.

Honela gauzatzen da 2016ko uztailaren 4ean Eusko Jaurlaritzaren Hezkuntza, Hizkuntza Politika eta Kultura Saila eta Donostia Kultura Enpresa Erakunde Publikoaren artean sinatu zen hitzarmena, Udal Sarea EIPS Irakurketa Publikoaren Sarean txertatzea arautzen duena.

Maila teknikoari dagokionez, datorren astelehenetik aurrera, Donostiako Udal Liburutegien Sarea, Eusko Jaurlaritzak Absysnet programarekin kudeatzen duen EIPS sarean txertatuko da.

Hilabeteko epean gutxi gora behera, Donostiako Udal Liburutegien sareak bi programa informatikoekin aldi berean lan egingo du, eta zenbait momentutan erabiltzaileak eragozpenak izan ditzakete. Hala nola, bikoizketak ekidin ahal izateko, bazkide bakoitzaren datu pertsonalak egiaztatu beharko dira, automaileguko makinak itzalita egon beharko dute eta aldaketak izango dira liburutegietako katalogoetan. Liburutegietako langileek aldaketen inguruko informazioa emango dute eta erabiltzaileei laguntza eskainiko diete liburutegietako zerbitzuak erabili ahal izateko.

Sare informatikoan txertatuko diren Donostiako udal liburutegiak dira: Alderdi Ederreko Liburutegi Nagusia, Haur Liburutegi Nagusia, Aiete, Casares-Tomasene, Egia, Ernest Lluch, Intxaurrondo, Larratxo, Larrotxene, Loiola, Lugaritz eta Okendo Kultur Etxeetako liburutegiak eta Cristinea Enea, San Telmo Museoa, Musika eta Dantza Eskolako liburutegiak eta Urgull Mendiko udako liburutegia.

Azkenik, jakinarazten da, aipatutako integrazioaren ondorioz, Donostia Kulturak “Liburutegi Bazkideak” fitxategiko datu pertsonalak Eusko Jaurlaritzaren Hezkuntza, Hizkuntza Politika eta Kultura Sailaren Kultura Ondarearen Zuzendaritzari emango dizkiola, “Liburutegi Publikoen Katalogoa” fitxategiaren parte izan ditezen, aipatutako zuzendaritza baita fitxategiaren arduraduna.

Temas

Recibe nuestras newsletters en tu email

Apúntate