Diario Vasco

Txirrita eta haren garaia Atxagaren eskutik

Bernardo Atxaga, artxiboko argazkian.
Bernardo Atxaga, artxiboko argazkian. / MICHELENA
  • Asteartean, bertsolariari buruzko hitzaldia eskainiko du Donostian idazle eta euskaltzain asteasuarrak

«Txirritak, egia esateko, bertsolari gutxik izan duten suertea izan du», idatzi zuen Jose Manuel Lujanbio Retegiz haren bizitza eta lanak goitik behera arakatu zituen Antonio Zavalak. Txirritaren «aotik aorako bertsoak, zelebrekeriak, ateraldiak eta abar» jaso egin ziren, alegia, beste bertsolari batzuenak ez bezala. Horrenbestez, belaunaldi batetik bestera igaro dira, eta ez da itzali 1936ko udan azken urteetako bizitoki izan zuen Altzan zendutako bertsolariaren inguruko interesa. Asmatu zuen, hortaz, «nere aipamenak izango dira beste larogei urtian» esan zuenean.

Astearte honetan berriro izango da hizpide Txirrita Donostiako Amara auzoko Ernest Lluch Kultur Etxean. Bernardo Atxaga ariko da 1860an Hernanin jaiotako bertsolariaz eta haren garaiaz 19:30ean hasiko den hitzaldian. Sarrera libre da, jarlekuak bete arte.

Bernardo Atxaga Txirritarengandik hurbil dabil bertsolaria hil zeneko 80. urtea betetzen den honetan. Donostia2016ren baitako 'Ganbon, Txirrita' proiektuaren baitan, bertsolariari buruzko antzezlan bat ari da idazten, abenduan estreinatzekoa dena. Obra berria Xabier Leteren 'Gabon, Txirrita' antzerki lanean oinarrituko da.

Temas

Recibe nuestras newsletters en tu email

Apúntate