Diario Vasco

Etnografia jardunaldiak antolatu ditu Aranzadik

Etnografia jardunaldiak antolatu ditu Aranzadik
/ Usoz
  • Hilaren 8tik 11ra izango dira. Arratsaldero, 19:30etan, Donostiako San Telmo Museoan

Aranzadi Zientzia Elkarteko Etnografia Sailak hitzaldi zikloa antolatu du San Telmo Museoan. Aurtengo hitzaldiak asteartean, azaroak 8, hasiko dira eta ostiralera arte iraungo dute, azaroak 11. Sarrera dohakoa izango da.

Orotariko gaiak izango dituzte aztergai: kultura materiala, albaitaritza praktika tradizionalak eta errotarriak, alde batetik, gazteleraz. Bestalde, euskal aztarnak XVI eta XVII. mendeetako Kanadan eta Igartzako presaren inguruko dokumentazioa, euskaraz, asteazken eta ostiralean hurrenez hurren.

Miren Egaña Goya hizkuntzalari donostiarra da 'Kanadara joateko euskara jakin behar da (Pierre de Lancre 1613)' saioaren arduraduna. Europar historiagileek Kanadari buruz diotenaz, XVI.mendeko Kanadan Euskarak izandako presentziaz, toponimia euskaldunaz edota egungo aztarnez arituko da.

Ostiralean, hilaren 11n, 'Beasaingo Igartzako presa zaharraren ezaugarrietaz' ariko da Mikel Prieto Gil de San Vicente pedagogo donostiarra. Hitzaldia Iago Irixoa Cortes-ekin batera egindako artikulu batean oinarritua dago, Anotaciones de dos tipos de presas en Gipuzkoa a comienzos del siglo XVI: la “nasa” y la “ardiordosa” izenekoa, hain zuzen.

Temas

Recibe nuestras newsletters en tu email

Apúntate