Diario Vasco

Datorren larunbatean jokatuko da Baionan Xilabaren finala

Sei finalistak izan ziren aurkezpenean.
Sei finalistak izan ziren aurkezpenean. / BERTSOZALE.EUS
  • Amets Arzallus, Maddalen Arzallus, Miren Artetxe, Odei Barroso, Sustrai Colina eta Xumai Murua bertsolar

Baionako Lauga gelan amaituko du bidea datorren larunbatean, azaroak 12, Xiberoa, Lapurdi eta Baxenabarreko V. Bertsulari Xapelketak. Aurreko saio guztiak burutu ostean, Amets Arzallus, Maddalen Arzallus, Miren Artetxe, Odei Barroso, Sustrai Colina, eta Xumai Murua bertsolariek ekingo diete azkeneko lanei arratsaldeko 17:00etan.

Finalaren aurkezpenean gogoratu zutenez, bi kanporaketa eta lau finalaurreko jokatu dira txapelketaren baitan. Irailaren 24an abiatu zen Donibane Lohizunen, eta urriaren 1ean Muskildin jokatu zen bigarren eta azken kanporaketa, finanaurrei ekin aurretik.

Aurten berrikuntza bezala lau finalaurreko ospatu dira. Urriaren 8an jokatu zen lehena Baigorrin, urriaren 15ean bigarrena Izturitzen, urriaren 22an hirugarrena Aiziritzen, eta urriaren 29an azkena Larresoron, erabakita utziz beraz, finalean izanen diren sei bertsulariak. Hain zuzen ere, bertsolari bakoitzak bi finalaurrekoetan ateratako puntuen batura egin ondoren, finalista dira puntuazio altuena lortu duten seiak.

Antolatzaileek azpimarratu zuten tokian tokiko elkarteen laguntzak egin duen posible neurri handi batean ibilbide oparua, eta denen esku-hartzea eskertu zuten. Epaile, gai egile, bertsozale, babesle eta modu batean edo bestean txapelketan parte hartu duten laguntza ere bereziki eskertu zuten.

Panpili (Jean Pierre Treku) Mattin Treku bertsularien semeak jantziko dio xapela xapeldun berriari. Halaber, aurtengo xapelketako finalean ere, orain dela bi urte bezala. Txato Saria banatuko da, Aitor Renteria ‘Txato’ bertsolari, kantuzale eta bertsozale elkarteko kide izandakoaren omenez sortua. «Txatoren ahots ederra eta kantuzaletasuna gogoan, bere izeneko sariak finaleko bertsularien artean kantaera aberatsena erabiltzen duen bertsularia saritzea izanen du helburu. Kantaera aberatsena erratean, doinutegi aberatsena aipatzen dugu bereziki, eta baita doinuen erabilera ere, hots, airearen eta bertsuaren edukiaren arteko koherentzia», zehaztu zuen aurkezpenean Joana Itzaina Bertsularien Lagunak elkarteko lehendakariak.

Finalerako sarrera salgai dira jada, eta internetez ere eros daitezke bertsosarrerak.eus helbidean. Aurretik erosita, 15 euroko prezioa dute. Egunean bertan, berriz, 18 eurokoa.

Temas

Recibe nuestras newsletters en tu email

Apúntate