Diario Vasco

'Jon eta Mirka', komiki klasiko baten itzulera

Daniel Redondo eta Gregorio Muro Harriet, aurkezpenean.
Daniel Redondo eta Gregorio Muro Harriet, aurkezpenean. / ARIZMENDI
  • Gregorio Muro Harrieten aurreneko lan luzea, Daniel Redondok marrazkitara eraman zuen gazteei zuzendutako zientzia fikziozko istorioa, berreskuratu egin du Harrieten argitaletxeak

Marca española de moda para hombre

Hasta 70%

Moda casual para hombre y mujer

Las mejores marcas a los mejores precios

Renueva tus básicos y luce piernas esta temporada

Hasta 80%

Decora y protege tu sofá con fundas de calidad

Las mejores marcas a los mejores precios

Textura y suavidad en textil de baño

Las mejores marcas a los mejores precios

Nueva colección de botas, botines y australianas

Hasta 80%

Moda para hombre y mujer al mejor precio

Hasta 70%

Desplázate con la mejor tecnología

Hasta 70%

Lleva contigo a tus personajes favoritos

Las mejores marcas a los mejores precios

La marca de moda en exclusiva para ti

Las mejores marcas a los mejores precios

Tus marcas favoritas en deportivas técnicas y casual

Las mejores marcas a los mejores precios

Relojes de pulsera para hombre y mujer

Las mejores marcas a los mejores precios

Calzado y mochilas para hombre y mujer

Las mejores marcas a los mejores precios

Elige el cabecero que más se adapte a la decoración de tu habitación

Las mejores marcas a los mejores precios

Calzado de tus marcas favoritas

Las mejores marcas a los mejores precios

Moda casual para hombre y mujer

Hasta 80%

¡Todo el menaje que necesitas al mejor precio!

Hasta 70%

Primeras marcas en menaje para el hogar

Hasta 70%

Bolsos de piel de diseño exclusivo.

Hasta 80%

Diseño y calidad en tu descanso

Hasta 70%

Joyería y relojería de tus marcas favoritas

Hasta 70%

Selección de marcas en moda íntima para hombre

Hasta 70%

Decora las ventanas de tu hogar con originales estores

Las mejores marcas a los mejores precios

Miss Sixty, Morellato y V&L

Hasta 80%

Bolsos y complementos de piel

Hasta 80%

Renueva tu comedor con muebles de diseño al mejor precio

Hasta 70%

Sea cual sea tu estilo hay una chaqueta de piel para ti

Hasta 70%

Baliteke iragan mendeko 80ko hamarkadaren lehen urteetan 'Ion eta Mirka' albuma irakurri zutenetatik askok asteazken honetan Donostiako Komikigunean aurkeztu den 'Jon eta Mirka' irakurtzeko adinean dauden seme-alabak izatea. Eta baliteke Gregorio Muro gidoilariaren zientzia fikziozko istorioa, Daniel Redondok marraztua, orduan bezain entretenigarria geratzea gurasoei zein seme-alabei.

Aurkezle lanetan ibili den Dani Fanoren hitzetan «euskal komiki mitikoa» da 'Jon eta Mirka', eta «berri oso ona» hori berriro argitaratu izana, belaunadi berriei eskaintzen baitie lehen aldiz argitaratu zenean gazteak ziren haiek izan zuten txunditzeko eta fantasiazko mundu batean murgiltzeko aukera bera.

'Jon eta Mirka'-ren itzulera, hain zuzen, orain urtebete-edo Gregorio Murok Harriet Ediciones argitaletxea sortu zuenean iragarri zuen lan-ildoetako batean kokatzen da bete-betean, egitasmoaren xedeetako bat bere lan ezagunenak berrargitaratzea baita. 'Justin Hiriart'-en bost liburukiak biltzen zituen bertsio integrala argitaratu zuen iazko udazkenean, eta 'Jon eta Mirka' bilduma osatu zuten bi istorioak -'Espedizio galdua' eta 'Bihotz izoztuak'- ekarri ditu orain, album bakarrean. 'Espedizio galdua' da, hain zuzen, Muro Harrietek sortu zuen aurreneko album luzea, 'Justin Hiriart'-en aurrekoa eta, usterik zabalduena kontrakoa bada ere, kanpoko merkatuetan hark baino harrera hobea eta oihartzun handiagoa izan zuena. Zientzia fikzioa moda-modan zegoen garai hartan, Europako hainbat herrialde eta hizkuntzatan argitaratu zen.

Maiz gertatu izan den eta gertatzen den bezala, Frantziako edizioak eusten zioten Euskal Herrian sortutako proiektuari, eta hark planto egin zuenean amaitu zen hirugarren atal bat ere bazeukan saila. Muro Harrietek prest zeukan, izenburu eta guzti. 'Frontera de fuego' izan behar zuen hura, azkenean, bertan behera gelditu zen, baina proiektua berreskuratuko balitz gaur-gaurkoa emango luke. Izan ere, 'Frontera de fuego'-k kontatzen zuen nola jarri zuen Ipar hemisferio aberatsak ekuatorean suzko muga zeharkaezin bat, Hego hemisferioko biztanle pobreak uxatzeko.

Urteak igaro izan ez balira bezala

Liburu bakarrean bildu diren bi istorioetako protagonista 'gizatiarra' Jon izeneko gazte bat da, umezurtz-etxe ilun eta goibel batetik ihes egin duen familiarik gabeko nerabea. Mirka, berriz, neskato estralurtarra da, aspaldiko espedizio galdu bateko kideen bila dabilena. Elkar ezagutu bezain pronto sortuko da bien artean sintonia aparta, eta luze gabe ekingo diote abenturak partekatzeari, buru borobileko robot txiki eta sinpatiko bat lagun dutela. Abenturak, eta ez nolanahikoak, berdin baitzaie itsaspean ibiltzea, inken aztarnak arakatzea, mohaien uhartea bisitatzea edo, bigarren istorioan, erabat estralurtarra den giroan murgiltzea.

Daniel Redondoren ilustrazio ederretako bat.

Daniel Redondoren ilustrazio ederretako bat.

Pentsatzekoa denez, onik eta garaile ateratzen dira misio guztietatik Jon eta Mirka. Dani Fanok azpimarratu du komikiak lehen aldiz irakurri zituenean bereziki gustatu zitzaiola Jon eta Mirkaren ibilerak abentura hutsa izatea. Eta hala dira, etengabe gertatzen batzaizkie gauzak binetaz bineta. Akzio hutsaz haragoko kezkak ere islatzen ditu, ordea, haur eta gazteei zuzendua bada ere edonork atseginez ikusi eta irakurri dezakeen albuma. Ekologia, baliabide naturalen neurriz kanpoko ustiapena, teknologiarekiko menpekotasun gehiegizkoa, hezkuntzaren garrantzia, bakezaletasuna... Gai horiek guztiek dute presentzia istorioetan. Alde horretatik ez du ematen orain dela 30 urte sortutakoak direnik, zeren eta orduan kezka horiek zabaltzen hasita bazeuden ere, gaur egun buruhauste nagusi bilakatu baitira.

Gregorio Muro Harrieten ustez, iraungitze datarik gabeko osagai horiei esker jarraitzen dute gazte eta sasoiko Jon eta Mirkaren abenturek. Uneren batean aurki daitezke pasarte anakroniko samarrak, baina oso gutxi dira, eta bere horretan utzi ditu egileak, alboan ohartxo bat jarrita. Honatx horren adibide den elkarrizketa bat:

- Objektu hau nondik datorren jakinez gero, transmisorearen jatorria ezagutuko genune. Baina, nola?

- Agian, museo edo liburutegi izeneko informazio biltegi horietako batera joanez.*

Asteriskoak ohar batera darama, eta oharrak argitzen du komikia (Olivetti batekin, jakina) idatzi zenean ez zegoela internetik eta orain horrelako zabaltzak argitzeko erabiltzen diren Google edo Wikipediarik. Ez ordenagakurik, ez telefono mugikorrik, ez gps-rik... Hala ere, oso sinesgarria da edukien eta gogoeten aldetik profetikoa suertatu den komikia. Murok asmatu eta Redondok irudikatu zituen zenbait tramankulu eta teknologia ez direnez oraindik existitzen, ez daukate zahar itxurarik, eta ezagunak egiten zaizkigunei ez zaizkie urteak igartzen.

Fikziozko unibertso horren sorreran sekulako garrantzia du Daniel Redondo bilbotarraren ekarpenak. Karrera ia osoa Frantziako merkatuarentzat lanean egin duen Redondok marrazkilarien artean ohikoa den jarrera apala izan du aurkezpenean, euren lana gidoilariaren istorioa marrazkitan islatzea dela adieraziz. Eta, hain zuzen, horrexegatik da lan aparta 'Jon eta Mirka': Muro Harrieten istorio interesgarriarekin batera Redondoren marrazki bikainak dituelako, xehetasun handikoak aurreneko istorioan, kolore-festa bigarrenean, dinamiko eta bizi-biziak bietan.

Temas

Recibe nuestras newsletters en tu email

Apúntate