Diario Vasco

Bertsolaritza ikertzeko laguntza denak eman dira aurten

'Bertsoaren agenda' ikertuko du Oihana Iguaranek.
'Bertsoaren agenda' ikertuko du Oihana Iguaranek. / JOSÉ MARI LÓPEZ
  • Mintzola Ahozko Lantegiak eta UPV/EHUko Laboa Katedrak ematen dituzten bi ikerketa kontratuak eta proiektu sariak esleitu dituzte

Mintzola Ahozko Lantegiak eta UPV/EHUko Laboa Katedrak eskainitako hiru proiektu sariak, eta bi erakundeok UPV/EHUko Euskara eta Ikerkuntza Errektoreordetzekin batera eskainitako ikerketa kontratuak banatu dira. Aurten, beste edizio batzuten ez bezala, denak eman dira.Ekainetik irailera bitarte izan dute aukera interesdunek euren lanak aurkezteko. Lanen mailarekin gustura agertu da epaimahaia eta ondorioz, deialdiko sari eta kontratu guztiek dute jabea.

Sei lan jaso dira ikerketa kontratuetarako. Oihana Iguaran Barandiaranek eta Ainhoa Aizpurua Insaustik eskuratu dituzte bi ikerketa kontratuak: lehenak, 'Bertsoaren Agenda' proiektuaren bidez, agenda 'settingak' bertsolaritzaren diskurtsoan duen eragina lana osatzeko eskaria aurkeztu du. Bigarrenaren proiektua 'Bertsolaritzaren prosodia' da. Urtebetean garatu ahal izango dute proiektua, baina hiru urte gehiago luzatzeko aukera izango dute.

Proiektu sariei dagokionez, Ane Labaka Mayozek, Itziar Navarro Ibañezek eta Xumai Murua Berrak eskuratu dituzte: 'Bertsolaritzan garatutako umorea(k), genero ikuspegitik';''Oiartzungo bertsolarien kantaera: analisi musikologiko konparatiboa'; eta, 'Gorputz Heziketako aktibitateen didaktika bertsogintzaren didaktikaren zerbitzuan' lanak osatuko dituzte, hurrenez hurren. 2.000 euroko saria jasoko dute hiruek beren lana osatzeko.

Ikerketa kontratuak eskaintzen diren laugarren aldia da eta hirugarrena proiektu sariei dagokionez. Bata bestearentzat osagarri direla nabarmendu da aurtengo deialdian; proiektu sarien deialdia kontratuen deialdiarentzat onuragarri gertatu da, beste zenbait urtetan sarietarako pausoa eman zutenek kontratura aurkezteko urratsa egin baitute. Lanen mailarekin gustura agertu da epaimahaia.

Temas

Recibe nuestras newsletters en tu email

Apúntate