Diario Vasco

Leonard Cohen, Mikel Urdangarinen ahotsean

Leonard Cohen, Mikel Urdangarinen ahotsean
/ DV
  • Artista kanadarraren abestiak berrinterpretatuko ditu kantari bizkaitarrak Donostiako Tabakaleran datorren larunbatean

Bilboko Campos antzokian aurrena, Donostiako Tabakalerako Kultura Kultur Klubean ondoren, Mikel Urdangari kantari zornotzarrak ekingo dio Izar & Star zikloaren denboraldi berriari, Leonard Cohen artista kanadarraren abestiak berrinterpretatuz.

Izar & Star SGAE Fundazioak abiarazi duen musika zikloa da, eta bertoko pop rock taldeek artista eta talde mitikoen abestiak berrinterpretatzen dituzte. Dagoeneko zazpi edizio egin ditu, antolakuntzak gogorarazi duenez.

Horrela, zikloaren hurrengo hitzordua Mikel Urdangarinek eskainiko du eta, abesti propioak ezezik, Leonard Cohenen doinuak eskainiko ditu, artista polifazetiko kanadarrak 82 urte bete eta disko berria kaleratu duenean, hain zuzen. Artista zornotzarrak laukotea estreinatuko du hitzordu hauetan, bere ohiko gitarraz gain, teklatuak, kontrabaxua, beste gitarra bat eta biolina biltzen dituen laukotea, alegia.

Bilboko emanaldia ostiralean izango da, Campos antzokian, iluntzeko 20:30etik aurrera, eta Donostian, aldiz, larunbatean, hilak 22, Tabakalerako Kultura Kultur Klubean, 20:00etan.

Temas

Recibe nuestras newsletters en tu email

Apúntate