Diario Vasco

Mikroantzerki maratoia Donostian

  • El Sekaderok eta Kontadores gazte zentroak antolatu duten ekimenean parte hartzeko epea zabalik da

Donostiako El Sekaderok eta Kontadores gazte zentroak I. Mikroantzerki Maratoia antolatu dute, gazte izaerako zein formatu txikiko antzerki ez profesionala edo amateurra sustatzeko asmoz. Izena emateko epea ostegunean ireki zen eta urriaren 28ra arte zabalik egongo da.

Antolatzaileek adierazi dutenez, ekimenak parte hartzaile gazteak motibatu nahi ditu beren sormen prozesuan aurrera egiteko eta kultur ekoizpenaren hedapena bultzatzeko. Bestalde, Donostiako kultur eragileen arteko elkarlana ere sustatu nahi da.

Esan bezala, I. Mikroantzerki Maratoian parte hartzeko izen ematea urriaren 6tik 28ra dago zabalik. Oinarriak eta izena emateko orria El Sekaderoren eta Donostiako Udaleko Gazteria Sailaren webguneetan kontsulta eta deskarga daiteke.

Epaimahaiak hiru pieza hautatuko diru, eta erabakia azaroaren 4an argitaratuko da. Pieza aukeratuek laguntza ekonomikoa jasoko dute eta I. Mikroantzerki Maratoian aurkeztuko dira, Kontadores zentroan, azaroaren 26an.

«Maratoiaren lehen edizio honetan, bertaratzen den publikoak esperientzia apartekoa, ezberdina eta dibertigarria bizitzeko aukera izango du, baita iluntzean emanaldi bat baino gehiago ikusteko aukera ere», azaldu dute.

Temas

Recibe nuestras newsletters en tu email

Apúntate