Diario Vasco

Hasi da Liburu Gaztea 'book trailer' lehiaketa

  • 22 ikastetxetako ia 2.000 gaztek hartuko dute parte Galtzagorri elkarteak antolatzen duen ekimenean

Hogeita bi bi ikastetxek eman dute izena Galtzagorri Elkarteak Gipuzkoako Foru Aldundiaren laguntzaz aurten bosgarren urtez antolatu duen 'Liburu Gaztea' book trailer lehiaketan. Ekimenaren helburua 12 eta 16 urte bitarteko gazteen irakurtzeko zaletasuna sustatzea da, horretarako teknologia berriak erabiliz. Guztira, DBHko 1.913 ikasle ariko dira liburuak irakurri eta haiei buruzko book trailerrak egiten datozen hilabeteetan. Ikastetxetatik kanpo, norbanakoen kategoria ere badago lehiaketan. Horretan parte hartu nahi dutenek, nahikoa dute azken eguna baino lehen (2017ko martxoaren 10a) book trailerra web gunera igotzea. Oinarrietan dago zehatz mehatz azalduta.

Lehiaketan parte hartu nahi dutenek maila bakoitzerako proposatu den liburua irakurri eta horri buruzko book trailerra egin behar dute. Aurreneko aldiz, book trailerrak nola eta eta lehiaketan nola parte hartu azaltzen duen tutorial interaktibo bat dago ikusgai web gunean. Oreka Interactive enpresa donostiarrak sortu zuen bideo tutorial hori Galtzagorri Elkartearekin lankidetzan.

Horrez gain, urtero bezala, irakasleentzako formazio saioa eskainiko du aurten ere Galtzagorri Elkarteak. Aurtengoan, ordea, tailer praktikoa izango da: irakasleek, stop motion teknika eta edizio programa jakin batzuk erabilita, book trailerrak sortzen jarriko ditu Lore Agirrezabal irakasleak.

Temas

Recibe nuestras newsletters en tu email

Apúntate