Diario Vasco

'Bizitza kantu bat da' abestuz agurtu dute Imanol Urbieta

'Bizitza kantu bat da' abestuz agurtu dute Imanol Urbieta
/ ETXEBERRIA
  • Jende asko bildu da ostiral iluntzean Zarauzko frantziskotarren elizara, Imanol Urbieta zenari azken agurra emateko

Jende asko bildu da ostiral iluntzean Zarauzko frantziskotarren elizara, Imanol Urbieta zenari azken agurra emateko. Jesus Artola buru, aldarean hamabi fraide bildu dira. ‘Manolo’ zenaren anaia fraidea, Madrilen bizi dena, etortzekoa zen, baina osasun aldetik pattal dagoela eta ezin izan zuen bidaia egin. Koruan Zarautz Abesbatza jardun da, baita herriko txistulariak eta musika-bandako zenbait kide ere.

Elizkizuna bukatutakoan, aurreko plazan herri-omenaldia egin zaio, eta herriko ikastolako umeek hildakoaren kantuetako bat abestu dute, ‘Bizitza kantu bat da’.

Agertu dira kultur munduko gizon-emakume batzuk, hala nola Joan Mari Torrealdai, Anjel Lertxundi eta Andoni Egaña.

Jose Angel Iribar atezain ohia ere azaldu da bere jaioterrira lagun zaharra despeditzeko, eta baita politikako aurpegiak ere, adibidez Tasio Erkizia, Joseba Permach eta Marian Beitialarrangoitia.

Recibe nuestras newsletters en tu email

Apúntate