Diario Vasco

Itsasondoko melodiak

Deba, Mutriku, Ondarroa eta Lekeitio hartzen dute parte proiektuan.
Deba, Mutriku, Ondarroa eta Lekeitio hartzen dute parte proiektuan. / FOTOLIA
  • 'Itsas ertzeko euskal doinuak' izena du AME estudioak herriko hainbat eragileri aurkeztu dien proiektuak

Deba, Mutriku, Ondarroa eta Lekeitioko hiruna abestirekin CD bat argitaratzea da 'Itsas ertzeko euskal doinuak' proiektuaren helburua. Herri bakoitzak hiruna abesti aukeratuko ditu (herri horrekin nolabaiteko lotura dutenak). Debaren kasuan, 'Dira-Dira' , 'Debako Herriarei' eta 'Debako herri maite' izango dira (kantuak behin-behinekoak dira oraindik, aldaketak egon daitezke). Koru eta kantu taldeez gain gainerako herritarrek ere parte hartzea bilatu nahi da (80-100 bat kantari elkartzeko).

Proiektuan parte hartzeko ez da beharrezkoa musika jakitea; ezta kantuan ibili izana ere. Kantuan aritzea gustatza eta proiektuan parte hartu nahi izate dira baldintza bakarrak. Izena emateko turismo bulegora, udal liburutegira, Sukia frutadendara edo Galtxa okindegia joan behar da irailaren 25a baino lehen.

Hiruzpalau ensaio aurreikusten dira. Urriaren 1ean, larunbata, egingo da lehendabizikoa, goizeko 10:30ean Agirre jauregian eta azaroaren erdi edo amaiera aldera grabatuko ditugu hiru abestiak Elizako klaustroan.

Temas