Diario Vasco

Joxean Agirreren 'Elgeta'-rekin abian da 111 Akademiaren liburu-bilduma

111 Akademiak bere liburu-bilduma propioa jarri du abian. Lehenengo Beterriko Liburua ohorezpo aipamena lortutako obrak publikatu nahi ditu bertan, eta gero 111 Akademiaren beraren saria eskuratutakoak. Joxean Agirreren 'Elgeta' nobela laburrarekin hasi da bilduma, 1996ko Beterriko Liburua, alegia.

Obra honek Donostia Hiria saria irabazi zuen. Kutxak eman zuen argitara, baina trakets samar. Oraingo edizio berria ez da dendetara iritsiko. Laurehun ale inprimatu dituzte, hasteko 111 Akademiakideen artean banatuko direnak, baina interesatuek ere izango dute eskuratzeko modurik, Akademiaren webgunearen bitartez eta 20 euro ordainduta.

Manuel Larramendi Kultur Bazkuna da 111 Akademiaren bultzatzailea, eta ekimen hau koordinatu duena. Bertako Jon Unanuek adierazi duenez, asmoa da urtean liburu bat publika-tzekoa, eta datorren urtean Ur Apalategiren 'Gauak eta hiriak' nahi du plazaratu, baldin eta autorea ados baldin badago. 1997ko Beterriko Liburua izan zen hori.

Jazinto Rivas 'Elgeta', 1906an jaiotako trikitilari bohemioa da Agirreren eleberriko protagonista. Idazleari oso pertsona erakargarria egin zitzaion. «Miresmena nion. Izan ere, sustrairik gabeko gizon berezia zen», esan du.