Diario Vasco

'Hysteron', Nagore Legarreta argazkilariaren proiektu berria

Teknika primitiboak erabili ditu Nagore Legarretak lan hau sortzeko.
Teknika primitiboak erabili ditu Nagore Legarretak lan hau sortzeko.
  • Erakusketa, asteazken honetan, irailak 14, estreinatuko da Koldo Mitxelenaren Kulturgunean arratasldeko 19:30ean

Asteazken honetan, irailak 14, Nagore Legarreta Hernaniko argazkilariaren 'Hysteron' erakusketa inauguratuko da Koldo Mitxelenaren Kulturgunean 19:30ean. Erakusketa urriaren 2ra arte egongo da zabalik.

Teknika primitiboak erabilita Nagore Legarretak sortu duen argazki lana da 'Hysteron'. Irudietan emakume gorputz zatikatuak irudikatzen dira; elkarrekin harremanetan dauden emakumeak irudikatzen dira: tentsioan, elkarri bultza egiten diote batzutan, eta bestetan, batzeko ahaleginetan dabiltza.

Giza harremanen inguruko gogoeta da 'Hysteron', norberaren espazio pertsonala eta gainerako gizakien espazio pertsonalaren arteko tentsioaren inguruko gogoeta. Nola harremantzen dira gizarteak berdin kondizionatu, sozializatu, antzutu dituen pertsonak? Norantz jaurtitzen ditugu gure frustrazioak?

Emanaldia

'Hysteron', urriaren 14an antzeztuko da Koldo Mitxelenaren Ganbaran arratsaldeko 19:00etan. Nagore Legarretaren argazki lanaren inguruan sortutako emanaldia da. Lehen aldiz aurkeztuko da jendaurrean. Argazkien atzean dauden ideien inguruan osatu da emanaldia, diziplina ezberdinak uztartua.

Emanaldian parte hartuko dute: haiek idatzitako testuak errezitatuz, Danele Sarriugarte eta Gorka Setienek; Txaro Untzilla dantzariak; eta Mariano Hurtado, Aida Torres eta Beñat Iturrioz musikariak.

Emanaldian, zuzenean entzun ahal izango diren abesti hauek metalezko ontziekin egindako instrumentuekin osatu dira, argazkiak egiteko erabili diren kamaren antzera.

Emanaldiaren egunean, 'Hysteron' proiektua jasotzen duen argitarapen berezia aurkeztuko da.

Temas