Usopop festibala, larunbat honetan Saran

Larunbat honetan, Usopop festibalaren zazpigarren edizioa izango da Saran. Ohi bezala, antolatzaileek biziki programazio erakargarria osatu dute Euskal Herriko eta kanpoko artistak gomitatuz. Euskal Kultur Erakundea partaide da.

Aurtengo edizioa ere Lizarrietako oihanean egingo da. Arratsaldeko 16:00etatik aurrera, talde hauek ariko dira: Drame (Frantzia), Fugu Mango (Belgika), Evening Hymns (Kanada) edo Martial Jesus (Frantzia), eta horiekin batera, baita Amorante eta DJ Beirut euskaldunak ere.

Haurren txokoa ere eskainiko dute behar dutenentzat, eta dantza ere ez da faltako, Bilaka koreografia zentroko Negua sorkuntzarekin.