Henrike Knörr-en omenezko liburua

Aurkezpen ekitaldian Javier Garaizar UPV/EHUren Arabako Campuseko errektoreordeak, Iñaki Bazán Letren Fakultateko dekanoak eta Xabier Artiagoitia Hizkuntzalaritza eta Euskal Ikasketak saileko zuzendariak hartuko dute parte, Henrike Knörr-en senide eta liburuaren egileekin batera.

Liburua UPV/EHUko Euskal Filologiako katedradun zen Henrike Knörr Borràs (1947-2008) irakasleari egindako omenaldia da. Hogeita hamabost kapituluetan zehar egun garatzen ari den ikerlanaren aleak aurki daitezke, honako alorrak landuz: filologia, dialektologia, literatura, onomastika, hizkuntzalaritza sinkroniko eta diakronikoa, hizkuntzalaritza aplikatua, konputazionala eta psikolinguistika.