Poesia errezitaldia Soraluzen

Jose Luis Otamendi olerkariak poesia errezitaldia egingo du gaur Soraluzen, Gaztelupeko Billigunean. Arratsaldeko 7etan hasiko du saioa.

Lehengo azaroan plazaratu zuen Otamendik bere liburu berria, Kapital publikoa. Hain zuzen ere, horko poema batzuk eskainiko ditu Soraluzen.

Zortzigarren poema-liburua du eta kutsu sozial handikoa da. «Galtzerik nahiko ez nituzkeenak, salatzeko modukoak iruditzen zaizkidanak, babestu beharreko jotzen ditudan gauzak dira poema hauen muina. Gure kapitala zerk osatzen duen galdezka ari naiz etengabe, eta hori aldarrikatu nahi dut, jendeari esan, publiko egin», esan zuen idazleak liburuaren aurkezpenean