Barandiarani buruzko hitzaldi berezia Barandiaran Museoan

Joxe Migel Barandiaranen jaiotzaren 125. urteurrena dela-eta, Ataungo Barandiaran Museoak ekitaldi berezia prestatu du iganderako. Goizeko 11:30ean hasita, Jon Aizpurua kazetari ataunsarrak Hamaika objektu, hamaika kontu hitzaldia egingo du. « Jose Migel Barandiaranen hamaika objektu bildu ditugu eta horien bitartez ibilaldi berezi-berezia egingo dugu bere bizitzan zehar. Museoko ganbarak eskaintzen duen giro goxoan hamaika kontu interesgarri entzungo ditugu», adierazi du museoak. Doakoa izango da emanaldia, baina aurrez izena ematea nahitaezkoa izango da. Erreserbak egiteko 943 18 03 35 / 688 89 50 69 telefonoetara deitu daiteke edota barandiaran@gipuzkoamendizmendi.net helbidera idatzi.