Zumaiaraino bidegorria amaitzeko eskatuz bilera irekia izango da astelehenean

Zestoatik Narrondo auzoraino dauden 5 kilometro falta dira Zumarraga eta Zumaia bidegorriz lotzeko

K.ARRIZABALAGA ZESTOA.

«Nola dago bidegorriaren kontua? Zerbait egingo al dugu?», galdera honekin gonbitea luzatzen du Astindu taldeak gai hau astelehenenean kultur etxean izango den bilera irekian herritarrek eztabaidatu dezaten.

«Zumarraga-Zumaia oraindik ere amaitu gabeko bidegorria behingoz bukatzea nahi dugu, behar dugu. Horretarako, elkarlanean orain arte egindakoaz eta egin daitekeenaz iritziak partekatu eta proposamenak lantzeko bilera batetara deitu nahi ditugu herritarrak», diote .

Bilera honetan Arroabeko lagunek bidegorriaren inguruko berri emango dute, orain artean jorratutako bidea zein izan den eta burutu dituzten ekimenak azalduko dizkigute bertan. Horrez gain martxa bat antolatzeko proposamena ere luzatuko da.

Ahalik eta herritar gehienen atxikimendua eta bultzada lortu nahi da, 'herriak lotu bidegorria amaitu' eskaera hau, lelo izatetik errealitate izatera bihurtzeraino,

Bilera hau astelehenean, urriak 9, arratsaldeko 19:30ean, Zestoako kultur etxean izango da.

Futbola

Asteburu honetan bi partida jokatuko dira Iraetako zelaian; gaur, 15:30ean, talde nagusia Aloña Mendiren aurka arituko da; bihar, igandea, 11:00etan, kadete mutilak Santo Tomas Lizeoko taldearen aurka lehiatuko dute.

Bestalde, aipatu kadete neskek pasa den astean etxetik kanpo 0-5 irabazi zutela -kirolak.net orrian bestelakorik jartzen bazuen ere- eta gaur 12:00etan Mutrikun arituko direla.

Jubenil mutilak, aldiz, gaur Azpeitian jokatuko dute derbi berri bat, arratsaldeko 15:30ean, Ikasberriren aurka.

Fotos

Vídeos