Viveros San Anton Txirrindulari taldeak garaipenarekin agurtu du urtea

Viveros San Antongo kadeteak, taldekako jazarpenean. /  VIVEROS SAN ANTON ZTE
Viveros San Antongo kadeteak, taldekako jazarpenean. / VIVEROS SAN ANTON ZTE

Roman Zabaleta lehen urteko kadeteak eman dio Viveros San Antoni lorpena

DV ZUMAIA.

Roman Zabaletak, lehen urteko kadeteak eman dio Viveros San Antoni denboraldiko lehen lorpena. Aurreko larunbatean jokatutako Bioracer challengeko Tempo lasterketan lortu zuen garaipena.

«Lasterketa hasi bezain pronto taldetik ihes egin zuen Zumaiako Txirrindulari Elkarteko ziklista gazteak, lau puntuaketa eskuratu eta oso zaila jarri zitzaien faboritoei azken garaipena; Zabaletak indarrak kudeatu eta hustuta amaitu zuen arren, lortu zuen helmugara heltzea denboraldiko lehen garaipena lortuaz», azaldu du Arritxu Iribar kazetariak.

Roman Zabaletak irabazteko atzean kontrol lana ederki egin zuten taldekideek. «Hauek, ondoren, puntuaketan lan ona egin zuten, behin eta berriz saiatuaz ihes egiten eta puntuak hartzen; nabarmentzekoa izan zen Mikel Mancisidorren ahalegina, orian arteko lasterketarik onena eginez», dio kazetariak.

Aurpegia emanez

Aurreko jardunaldietan bezala, Kimetz Etxabek eta Aitor Agirrek, beste behin, aurpegia eman zuten, nahiz eta uztarik ez jaso. «Baina, adibidez, Aitor Agirreren lanak aitortza izan du, igandean gipuzkoako selekzioarekin Bordelen korrituko baitu», dio Iribarrek eta gaineratu du: «Aitor Agirre ilusioz beterik dago, kadete mailako lehen denboraldian eta pistan bi hilabete daramatzanean hemendik kanpo korritzeko aukera izatea saririk onena baita». Aitor Agirreren falta nabarituko dute taldekideek gaur Gipuzkoako kopako bigarren jardunaldian lau ez, hiru txirrindularirekin leihatuko baita Viveros San Anton.

Jubenil mailan, beste behin, Antton Tolosak lan txukuna egin zuen eta jardunaldiz jardunaldi erakusten ari da urratsak ematen ari dela estreinatu berri duen mailara egokitzeko. Antton Tolosak Gipuzkoako Kopan zarauztarrekin eta goierritarrekin osatutako talde mixtoan parte hartuko du. 2018a hastera doa Viveros San anton-Zumaiako txirrindulari elkartearentzat.

Contenido Patrocinado

Fotos

Vídeos