Viveros San Anton, gaur bigarrenaren bilaEskubaloi partidak, asteburu honetan

Lehen jardunaldian. /
Lehen jardunaldian.

DV ZUMAIA.

Pistako lehen jardunaldiak aho zapore gazi-gozoa utzi zien Viveros San Anton- Zumaiako Txirrindulari Taldeko txirrindulariei: Mikel Mancisidor erori egin zen eta min hartuta ezin izan zuen jarraitu. Hala ere, baikortasunareko zertzeladak eskaini zituen, iaztik hobekuntza handia erakutsiz. Antton Tolosak jubenil mailako lehen lasterketan maila duina eman zuen oraindik sasoiko ez izan arren.

Kadeteen scratcharekin hasi zen Bioracer challengeko lehen jardunaldia. Lasterketaren hiru laurdenak gainditu zirenean eroriko jendetsua izan zen, eta lehen unean salbatuko zuela iruditu arren, erori zen txirrindularietako baten gurpilak jo eta Mikel Manzisidorrek ere belodromoko zementoa probatu zuen. Ezker aldea kolpatuta, lehen zauritxoak sendatu eta erietxera eraman zuten. Bertan, sendagileek ikusi zuten ezer larririk ez zuela eta senda agiria jaso zuen baina hortxe zapuztu ziren bere ametsak. Mancisidor bigarren urteko kadetea da eta lasterketan izan zen bitartean iaztik izan duen hobekuntza erakutsi zuen, lasterketan ia denbora osoa aurreko postuetan, ondo kokatuta ibili baitzen. Abenduaren 2an izango du berriz ere korritzeko aukera Mikel Manzisidorrek eta biartean ondo osatzeko beta badu.

Jubenil mailan, Antton Tolosa estreinatu zen eta Tempo lasterketan sufritu baldin bazuen, askoz ere lasterketa hobea egin zuen puntuaketan, batez ere erditik aurrera. Oraindik ere sasoiko jarri eta lasterketa ondo irakurtzeko urratsak eman behar ditu baina maila aldaketa ez du asko antzeman eta ondorio positiboak atera daitezke lehen jardunalditik. Gaur berriz ere pistan izango da Tolosa eta pedal kolpea borobiltzen joango da, denboraldia hasi besterik ez baita egin. Sailkapenean 14. tokian da Viveros San Antongo txirrindularia.

Gaur, Antton Tolosarekin batera, beste hiru txirrindulari izango dira Bioracer Challengeko bigarren jardunaldian. Kadete mailan lehen urtekoen lasterketak izango dira eta bertan estreinatuko dira. bai mailan eta baita pistako lasterketetan ere, Aitor Agirre Egaña, Roman Zabaleta Lizarralde eta Kimetz Etxabe Zubiaurre. «Hiru gaztetxoek lehen eguneko urduritasuna gainditu beharko dute baina entrenaldietan erakutsi duten egokitzeko prestutasunarekin eta duten gogoarekin, estreinaldia oparoa izango dela ezin zalantzan jarri», diote elkartetik. Arratsaldeko 16:00etan hasiko dira Antonio Elorza belodromoan lasterketak.

Gaur, Lubaki kiroldegian: 11:15ean, Zalla Taberna Pulpo-Pitch Chocobarra Bidasoa Irun C; 12:30ean, Kalari Pulpo-Eibar Eskubaloia C; 16:00etan, Garaje Axiri Pulpo-Avia Eibar Eskubaloia; 17:30ean, Txikixa Taberna Pulpo-Urnieta Guria Jatetxea eta 19:15ean, Labarra Taberna Pulpo-Leizaran Ernio Inmobiliaria. Etxetik kanpo: 11:00etan, Edu Optika Pulpo eta Ereintza Aguaplast neurtuko dira eta 12:15ean, Canterias Dominguez Pulpo eta Urola A Aranzadi. Bihar, Lubakin: 10:00etan, Neumaticos Bayona Pulpo-Ilcapo Hondarribia eta 11:30ean Zarazpe Pulpo-Hernani ET-Putzueta/Goizargi. Etxetik kanpo: 10:30ean, Trapaia Taberna Pulpo eta CB Zuazo neurtuko dira; 11:30ean, Galdona Burdindegia Pulpo eta Aloña Mendi A eta 12:00etan, Ttakun Taberna Pulpo eta CB Zuazo.

Contenido Patrocinado

Fotos

Vídeos