Uxategiko eta Ubilloseko lokalak erabiltzeko izen ematea hilaren 27an amaituko da

ZUMAIA.

Udalak bost areto ditu Arritokieta azpian kokatutako Uxategia eraikinean, eta beste hiru Ubillos Musika Etxearen atzean, musika taldeen entseguetarako erabiltzeko. Lokalen erabilpena kudeatzeko, Dardara Musika kolektiboarekin hitzarmena du Udalaren kultur sailak, eta lokalen lagapena horretarako erabakitako araudi baten arabera egiten du kolektiboak.

Ezinbestekoa da izena ematea (dagoeneko lokaletan dauden taldeek ere), eta lagapenak urte baterako balio du beti ere. Izen ematea hilaren 27an amaituko da. Izen-emate orria behar bezala beteta aurkeztu beharko da; taldekideen nortasun agirien fotokopiak (eskaera berrien kasuan) eta Dardararen kontu korrontean kuota ordaindu izanaren agiria.

Lokalak banatzean lehentasuna herriko taldeek dute, eta erabili ahal izateko Dardara kolektiboko kide izan beharko dute taldekideek. Ondorengo kuota ordaindu beharko du taldekide bakoitzak. Dardarako kide aktiboek: Uxategian urtean 50 euro ordainduko dituzte taldekide bakoitzeko. Eta Ubillosen kideko 10 euro aseguru gabe eta 25 euro aseguruarekin. Dardarako kide aktiboek ekintzetan eta bileretan parte hartu behar dute.

Dardarako kide ez-aktiboek: Uxotegian urtean 150 euro ordainduko dituzte taldekide bakoitzeko. Eta Ubillosen kideko 30 euro aseguru gabe eta 75 euro aseguruakin. Alondegia kultur etxean informazio gehiago aurki daiteke .

Contenido Patrocinado

Fotos

Vídeos