Urolako bidegorri sarearen inguruko herri batzarra egingo da gaur Alondegian

Arroa Beheko auzotarrak, bidegorria amaitzearen alde./
Arroa Beheko auzotarrak, bidegorria amaitzearen alde.

Bidegorria amaitzearen aldeko martxa hilaren 28an egingo da. Zumaiatik goizeko 11:30ean aterako da

DVZUMAIA.

Iraetatik Narrondora doan zatiko bidegorria amaitzea eska-tzeko martxa antolatu da urriaren 28an. Izan ere, zati hori bakarrik falta da Urola bailarako sare osoa, Legazpitik Zumaiaraino, lotzeko. Martxak bi zutabe izango ditu: lehenengoa Lasaotik abiatuko da goizeko 10:30ean, ondoren Zestoa eta Iraetatik pasa eta Arroako autopistako biribilguneraino joateko.

Bigarren zutabea, Zumaiakoa, Beheko plazatik abiatuko da goizeko 11:30ean, eta Narrondo (12:00ak aldera) eta Arroatik igaro ondoren autopistako biribilgunean elkartuko da Lasaotik datorren zutabearekin.

Horrela, 12:30ean ekitaldia egingo da Arroako autopistako biribilgunean. Ondoren, festa izango da Arroan, musika eta pintxoekin, besteak beste. Gorriz jantzita, bizikletaz edota oinez parte hartu daiteke martxan.

«Arroa Beheko auzotarrok, aspaldi hasi genuen Urola Bailara osoa elkartuko lukeen, eta ondorioz, gure herri txikia inguruko beste herriekin lotuko lukeen Bidegorriaren aldeko borroka. Duela urtebete, proiektua bere horretan geratuta zegoela ikusita, gure aldarrikapenean indarrak biderkatu eta kalera irtetea erabaki genuen», adierazi du Arroa Beheko bidegorriaren aldeko taldeak.

«Hasiera hasieratik argi izan dugu gure indarrak bi norabideri eran-tzutera jarri behar genituela. Alde batetik, instituzioetako bidea, Zestoako eta inguruko udaletxeak, Batzar Nagusiak, Gipuzkoako Foru Aldundia... Urtebete honetan instituzio guzti horietako ateak jo ditugu eta hitz politak baino ez ditugu entzun: gu entzuteko prest daudela, bidea amaitu beharrarekin ados daudela... baina errealitatea da hitz polit horiek ez dutela atzetik inongo ekin-tzarik ekarri», gaineratu du.

Bestetik, aldarrikapena kalera ateratzeko bidea egiten ari dira. «Bidegorria amaitzea ez da soilik arroarroi eragiten digun gaia, eta honenbestez, bailarako beste hainbat eragilerekin elkarlanean aritu behar genuela argi geneukan». Horrekin lotuta, aipatzekoa da urriaren 28ko martxa Zestoako Astindu elkartearekin elkarlanean antolatu dteula, eta bailarako beste elkarte askoren babesa eta atxikimendua jaso dituela. «Honenbestez, herritarrei dei egiten diegu martxan parte hartu eta bidegorria behingoz amaitu behar dela aldarrikatzera. Herriak lotu, bidegorria amaitu!», gonbidatzen du taldeak.

Herri batzarra, gaur

Aldarrikapenaren berri emateko asmoz, Urolako bidegorri sarearen inguruko herri batzarra egingo da gaur, 19:00etan, Alondegiko Moila bilera gelan.

Fotos

Vídeos