Udako emaitza onena Telmo Deunek laugarren lekuan sendotzeko

DV ZUMAIA.

Plentziako bandera jokatu dute asteburuan Zumaiako arraunlariek, eta larunbatean seigarren izan baziren ere, igandean bigarren egitea lortu zuten.

Bigarren txandan aritu zen Telmo Deun igandean, eta irabazi egin zien Getariari, Zarau-tzi eta Portugaleteri. Gero, azkeneko txandako hiru talde ez ziren gai izan zumaiarren denbora hobetzeko, eta bakarrik Donostiarrak lortu zuen hori, 11 segundogatik.

Bi egunetako denborak har-tzen ziren kontuan banderaren lehian, eta Zumaia bosgarren geratu da Plentziako estropadan. Donostiarrak irabazi du bandera.

Bi egunetan banatu ziren, dena dela, KAE 1 ligarako puntuak, eta bi estropadetako lanak kontuan izanda, Telmo Deuneko arraunlariek sendotu egin dute laugarren lekua. Bosgarren Getaria da orain lau puntura, eta Deustu da seigarren, zortzira.

Hondarribian, larunbatean

Ari da bukaerara heltzen KAE 1 ligan, hiru estropada bakarrik falta direlako. Hurrengoa Hondarribian izango dute zumaiarrek, larunbatean arratsaldeko 17:30etik aurrera. Azkeneko biak Zarautzen (hilaren 19an, 12:00etan) eta Bilbon izango dituzte (hilaren 20an, 17:00etan).

Fotos

Vídeos