'Muxua' antzezlana taularatuko du gaur Tanttaka Teatroak Aita Mari antzokian

Ander Iruretagoiena, Mireia Gabilondo eta Haritz Morras dira obra honetako protagonistak. / TANTTAKA
Ander Iruretagoiena, Mireia Gabilondo eta Haritz Morras dira obra honetako protagonistak. / TANTTAKA

Zumaiako ikastetxeetako ikasleei zuzendutako emanaldia izango da

SARA UTRERA ZUMAIA.

'Muxua' antzezlana taularatuko du gaur, 15:30etik aurrera, Tanttaka Teatroak Aita Mari an-tzokian. Zumaiako ikastetxeetako ikasleei zuzendutako emanaldi berezia izango da beraz.

Homosexualitatea eta homofobia dira obra honen gai nagusiak: «Lorenzok hamabost urte ditu, eta umezurztegia utzi eta abegi-familia batekin bizitzera joan da, Italiako hiri txiki batera. Han, Antoniorekin maiteminduko da. Antoniok sentimenduak adierazteko zailtasunak ditu, eta ez daki nola eran-tzun Lorenzok erakutsitako afektuari. Elena, berari falta zaion adorea ikasleei emateko gogotsu dago», dio sinopsiak. Hiru pertsonaia horiek dira maitasun, gorroto eta indarkeriari buruzko obra bikain baten protagonistak. «Eta erdian, musu bat, eromena eragin dezakeen musu bakar eta sinple bat».

Hiru pertsonaiak agertuko dira bakarrik taularen gainean: Lorenzo eta Antonio irakasleak eta Elena irakaslea. Ander Iruretagoiena, Haritz Morras eta Mireia Gabilondo arituko dira aktore lanetan. Ivan Cotroneok idatzitako eta Fernando Bernuesek zuzendutako an-tzezlanean.

Fotos

Vídeos