Ludotekan izena emateko epea, bihartik

Zumaiako Ludoteka 6-12 urte bitarteko haurrentzako zerbitzua da.

Hilaren 9a arte egongo da zabalik eta behin epe hori amaitzean, apuntatu direnen artean zozketa egingo da

DV ZUMAIA.

Zumaiako Ludoteka prest da ikasturte berriari ekiteko eta bide horretan bihartik 9ra bitartean zabalduko du izena emateko epea. Ludoteka 6-12 urte bitarteko haurren-tzako zerbitzua da. Ez da eskola, baina jostailu eta jolasaren bidez haurraren nortasuna garatzea helburu duen zerbitzua da eta umeek zuzeneko arreta jasotzen duten lekua.

Bertan, eguneroko ekintza gidatuak, irteerak edota festak egiten dira haurrekin eta 10-12 urte bitartekoentzat programa berezi bat ere eskaintzen da, LudoKeta izenekoa, hilabetean bi ostiraletan 19:30 eta 20:30 bitartean.

Horrez gain familia irteerak, jostailu erakusketak eta ekintza gehiago ere antolatzen dira haurrak gurasoekin ere denbora hori partekatu dezaten.

Izen-ematea

Esan bezala, izena emateko epea zabalik egongo da hilaren bihartik hilaren 9ra bitartean eta epe hori amaitzean, ikasturte hasieran haur guztiek aukera berdinak izan ditzaten, egun aukeraketarako zozketa egingo da.

Ordutegia astelehenetik ostiralera, 17:00etatik 19:30era izango da. Ikasturteko kuotak berriz, 48 eurokoa. Familia ugarien kasuan, 32,50 eurokoa eta DBE-GLL onuradunak ordainketa salbuetsita izango dute. Ludotekako kuota ordaintzen duten LH4-6 (10-12 urte) bitarteko haurrek ez dute 'LudoKeta'-koa ordaindu behar. Diru sarrera egiteko kontu zenbakia: Kutxa ES30 2095 5174 91 1061601620.

Aurkeztu beharreko dokumentazioa berriz: izena emateko orria beteta; ordainagiria; familia ugarien eta/edo DBE-GLL agiria beharrezkoa bada eta bi argazki (berriak direnek).

Halaber, izen emateak irauten duen bitartean (bihartik 9ra), ateak irekita izango dituzte gurasoek Ludoteka bisitatu eta bertako azpiegitura zein instalazioak ezagutzeko, ohiko ordutegian, 17:00etatik 19:30era. Informazio gehiago 943 143 264 edo ludoteka@zumaia.eus.

Fotos

Vídeos