Haurrentzako mineralen tailerra egingo da bihar Algorri Interpretazio Zentroan

8-12 urte bitarteko haurrei zuzenduta, 11:00etatik 13:00etara izango da eta plaza mugatuak dira

DV ZUMAIA.

Urtean zehar makina bat ekintza antolatzen dituzte Algorri Interpretazio Zentroko arduradunek, adin ezberdinetako lagunei zuzenduta. Oraingoan ere beste proposamen batekin datoz, baina kasu honetan 8-12 urte bitarteko haurrei eskainitakoa. Izan ere, bihar larunbatarekin, mineralen tailerra egingo da Algorri Interpretazio Zentroan. «Eguneroko bizitzan erabiltzen ditugun mineralak ezagutzeaz gain, jolas batean parte hartuko dute bertaratzen diren haur guztiek», azaldu dute Algorritik.

Tailerra 11:00etatik 13:00etara egingo da eta doakoa izango da. Dena dela, plazak mugatuak direnez, aurrez izena ematea gomendatzen da, 943 143 100 telefono zenbakira deituz, zentrora bertaratuz edota info@algorri.eus helbide elektronikora idatziz.

Fotos

Vídeos