Gipuzkoako Eskola Txikien festaren hasierako ekitaldia egingo da gaur Oikian

Oikiako ikasleak Arroan ospatutako Eskola Txikien festan. / S.U.
Oikiako ikasleak Arroan ospatutako Eskola Txikien festan. / S.U.

Argazki jendetsua ateratzeko ahalik eta pertsona gehien bildu nahi dituzte ekitaldian

SARA UTRERA ZUMAIA.

2018. urtea oso berezia izango da oikiarrentzat. Izan ere, ekainaren 10ean Gipuzkoako Eskola Txikien festa ospatuko da herrian. «Guztion artean erronka handi bati egingo diogu aurre. Beraz, aurretik ere ohituta gauden arren, auzolanean jarduteko urtea izango dugu bereziki aurtengoa. Eta prest gaude horretarako», azaldu dute festaren antolatzaileek.

Horiek horrela, herritarrei festari buruzko informazio orokorra emateko asmoz, eta dagoeneko martxan dagoen lan-dinamikaren hasiera ofziala irudikatzeko, hasiera ekitaldia antolatu dute. Hasiera ekitaldia gaur izango da, 19:30etik aurrera Oikiako pilotalekuan.

Argazki jendetsua, gaur

Ahalik eta jende gehien bildu nahi dute ekitaldian, besteak beste, argazki jendetsua ateratzea delako helburuetako bat. Haur txikienetatik, hasita etxeko aiton-amonetara, herrian zein kanpoan bizi diren oikiarrak, guzti-guztiok ongi etorriak izango dira bertan. «Eta, jakina, gomendagarria da festarako atera diren erropak jantzita joatea, modu horretan itxura askoz bateratuagoa emango dugulako. Elkarrekin indartsuago gara; geure txikian handi. Prest al zaude? Zatoz!», diote

Contenido Patrocinado

Fotos

Vídeos